Sen. IMEE, pinangunahan ang panunumpa ng bagong pangulo at mga opisyal ng SPEEd

NAKAAALIW na balik-balikan ang video ni Maja Salvador at Bea Alonzo na kinunan sa dressing room ng ‘Eat Bulaga’, few days ago na kung saan guest ang bida ng ‘Start-Up PH” para sa segment na ‘Bawal Judgmental’.

In character si Maja bilang Majamog, isa sa mga batang hamog ng ‘Eat Bulaga’

Say ni Maja, “panis kayo!” sabay turo sa name ni Bea sa dressing room na kanilang pinuntahan.

Kasunod ay kumatok muna si Majamog saka binuksan ang pinto, “Ma’am Bea! Busy ka po?

“Ang ganda. Sexy! Kaya pala nag-partner sila ni Alden (Richards). Ganda ni Bea Alonzo, may bling bling.”

Sabay kinamayan ni Maja si Bea, “Majamog po.”

Nakipagkilala rin ang kasama ni Maja na si Miles Ocampo bilang Milehamog, “Ang ganda ni Bea talaga. Tangkad!”

Sabay hila sa upuan at saka tumayo si Maja kaya mas matangkad na siya kay Bea, kaya tawang-tawa lalo ang Kapuso actress.

Hirit naman Milehamog, “Ma’am Bea, pa-picture naman po.”

Magiliw naman lumapit si Bea at pinuri pa ang cellphone at sumama rin si Majamog kay Milehamog, na kitang-kita ang kanilang signature pose. Umalis na rin ang dalawa at nagpasalamat, dahil malapit nang sumalang.

Pero bumalik si Maja at yumakap kay Bea at pagkatapos nun ay buong ningning niyang sinabi na, “O, ano kayo ngayon, close kami ni Bea Alonzo.”

Infairness, kitang-kita talaga kay Bea na sobrang naaliw nang personal siyang puntahan ni Maja sa dressing room, pati na ang mga netizens.

Anyway, abangan ngayong hapon sa ‘Eat Bulaga’ kung matutuloy sa ‘showdown’ nina Majamog at Maja Salvador sa isang dance number? Panaginip na lang ba o magiging katotohanan na?

***

MARAMING salamat kay Sen. Imee Marcos for inducting the new President of SPEEd (Society of Philippine Entertainment Editors) Eugene Asis of People’s Journal, kasama ang ilan sa mga officers ng naturang samahan.
Ginanap ito kahapon, October 14 sa 83-year-old Kamuning Bakery Cafe na pag-aari ni Wilson Flores, na aming labis na pinasasalamatan.

Makikita sa larawan ang mga dumalo sa naturang oathtaking ng SPEEd officers. Mula sa kaliwa: Ervin Santiago (Bandera), Dondon Sermino (Abante), Salve Asis (PSN & PM), Tessa Mauricio-Arriola (Manila Times), Nickie Wang (Manila Standard), Sen. Imee, Eugene, Maricris Valdez (Hataw), Jerry Olea (PEP), Rohn Romulo (People’s Balita) at Wilson.

Samantala, ngayong Linggo, October 16, isi-celebrate ang ‘World Pandesal Day’ sa naturang lugar na matatagpuan sa Judge Jimenez cor. K-1st Street, QC. Mula 8 am hanggang 12 pm, mamigay ng free pandesal at iba pang pagkain.
Magkakaroon din ng free medical/dental/optical mission para sa lahat ng pupunta, handog ito ng Federation of Filipino Chinese Chambers of Commerce & Industry, Inc. (FFCCCII).

(ROHN ROMULO)