SHARON, umaming ‘devastated’ sa pinagdaraanan at humihiling na ipagdasal

WORRIED ang mga friends at fans ni Megastar Sharon Cuneta, sa Instagram post niya na devastated daw siya ngayon.

Ayon kay Sharon, “Rarely has my faith in our Almighty God ever wavered.. But now, sadly, as I am only human after all, it is wavering…I am devastated.  And forgive me if I cannot yet tell you why.  Please pray for me.  Thank you so much.”

Last week nag-post si Sharon na may sakit siya, pero tuloy pa rin siya sa pagti-taping ng Your Face Sounds Familiar at kahit halatang may sakit siya, masaya naman ang aura niya. Hindi rin niya sinabi kung ano ang sakit niya. Kaya ang mga friends and fans niya ay nag-comment sa kanyang social media.

Say ni Judy Ann Santos, “we’re all here for you, Ate.” Si Ogie Alcasid, “love you!”

At ang husband niyang si Sen. Kiko Pangilinan, nag-send sa kanya ng heart at praying hands emojis.

Praying for you Shawie, always stay safe, God bless you and we love you!

***

TINUPAD na ni Kapuso actor Ken Chan ang red car na gusto ng Mama niya.

Biro raw lamang iyon ng ina sa kanya, “Ten years ago pabirong sinabi sa akin ni Mama ‘Anak, kapag naging successful ka sa career mo bigyan mo ako ng pulang kotse, ha’ at natawa siya sa sinabi niya.” 

That time, kapapasok pa lamang ni Ken bilang isa sa mga hosts ng Walang Tulugan ng yumaong Kuya Germs (German Moreno).

“Hindi niya alam na tumatak yun sa isip ko, at nangako rin ako sa sarili ko na tutuparin ko ang wish ni Mama.”

At noong April 15, tinupad ni Ken ang pangako sa sarili niya nang dumating na ang red car na gusto ng Mama niya. Instagram post niya: “This is for you Ma, enjoy the ride! I love you!”

Humanga naman ang mga kasamahan ni Ken sa sweet gesture niya sa Mama niya. Si Rayver Cruz, nag-post ng “Nice one brother best feeling, stay blessed.” Si Rocco Nacino: “Awwww!!! Congrats Tita! Snappy salute sa yo, @akosikenchan!!!”

Si Ken ang isa sa mga mahuhusay na Kapuso actor na hindi rin tumatanggi kahit anong role ang ibigay sa kanya ng network.

Tumatak sa kanya ang pagganap niya sa Destiny Rose, My Special Tatay, at ngayon ay may upcoming GMA Afternoon Prime series siyang Ang Dalawang Ikaw na gaganap siya ng dual role, kasama sina Rita Daniela at Ana Vicente.       

***

UMANI nang libu-libong views ang Instagram post ng @dysuperfan nina Dingdong Dantes, Marian Rivera at Zia at Ziggy Dantes na nagpapakita kay Zia sa ‘da moves’ nito habang nagsasayaw na gayang-gaya ang ina.

IG caption: Ate Z definitely got the moves.  She got it from her Mama and Dada #ManamanaLangYan

Kung namana ni Zia ang husay sa pagsayaw ng ina, si  Marian naman ay ‘kakambal’ daw naman niya si Ziggy sa kanyang IG caption na ‘captured moment with my twin’ habang karga ang anak nang mag-celebrate ito ng second birthday last April 16. (NORA V. CALDERON)