• June 14, 2024
  • Ang Diyaryong Pinagkakatiwalaan

Fernando sa publiko: Manatiling kalmado sa gitna ng health emergency

LUNGSOD NG MALOLOS- Kasunod ng anunsyo ng Kagawaran ng Kalusugan na umakyat na sa 33 ang kumpirmadong kaso ng COVID-19 sa bansa, kung saan kabilang ang isang Bulakenyo mula sa Lungsod ng San Jose del Monte, Bulacan, itinuloy ni Gob. Daniel R. Fernando ang suspensyon ng klase sa lahat ng antas, pampubliko at pribadong paaralan, mula kahapon hanggang Marso 14,2020, Sabado.

 

Umapela din ang gobernador sa publiko na manatiling kalmado sa gitna ng kinakaharap na health emergency dahil sa banta ng nasabing sakit na mabilis na kumakalat, at hinikayat ang lahat na magdasal.

 

“Tayo ay nagsasagawa ng contact tracing alinsunod sa direktiba ng Department of Health at Bulacan Provincial Health Office-Public Health kasama ang City Health Office of San Jose Del Monte upang matukoy ang mga nakasalamuha ng pasyente at magsagawa ng patuloy na beripikasyon. Ang mga estudyante ay mag-aral pa rin sa kani-kanilang mga bahay,” ani Fernando.

 

Aniya, wala siyang ibang hangad kundi masiguro ang kalusugan at kaligtasan ng mga Bulakenyo kung kaya naman gagawin ng Pamahalaang Panlalawigan ng Bulacan ang lahat upang proteksyunan ang mga residente, dahilan upang ipagbawal pansamantala ang mga malakihang pagtitipon.

 

Bago ito, pinirmahan ng gobernador ang Memorandum GO DRF031020-91 na nag-aatas sa mga punong bayan at lungsod, health worker at mga kapitan ng barangay upang mahigpit na ipatupad an mga angkop na hakbang upang makaiwas sa COVID-19 gaya ng nakasaad sa Proklamasyon Blg. 922 at alinsunod sa Republic Act No. 11332 o ang Mandatory Reporting of Notifiable Diseases and Health Events of Public Health Concern Act.

 

Hinihilingan ang mga punong bayan at lungsod at mga kapitan na isagawa ang Sustained Inter-agency coordination, pagsiguro sa back up systems to address surge capacity, at establish logistic management system habang ang mga health worker ay inaatasang panatilihing maalam ang publiko upang mabawasan ang takot at pangamba.

 

Dagdag pa rito, muli ding pinaalalahanan ng Provincial Health Office-Public Health ang mga mamamayan hinggil sa kahalagahan ng personal na mga paraan ng pag-iwas sa sakit gaya ng tama at palagiang paghuhugas ng kamay, pag-ubo at pagbahing ng tama, pag-iwas sa matataong lugar at tamang paraan ng pagluluto.

 

Samantala, sa isinagawang media briefing ng Kagawaran ng Kalusugan, sinabi ni Asec. Ma. Rosario Vergeire na ang mga kumpirmadong kaso ay ipinasok sa iba’t ibang ospital kabilang na ang San Lazaro, RITM, Makati Medical Center, Saint Luke’s BGC at Quezon City, The Medical City, Jose N. Rodriguez, Cardinal Santos, Lung Center, at ang mga repatriated na pasyente ay nasa New Clark City. (Bishop Jesus “Jemba” M. Basco)

Other News
  • “BONES AND ALL” EARNS GOTHAM NOMINATIONS FOR TAYLOR RUSSELL, MARK RYLANCE

    THE Gotham Film & Media Institute announced recently the nominations for the 32nd Annual Gotham Awards in which Warner Bros. Pictures’ new romantic thriller “Bones and All” was recognized with two nominations for its cast members.   Taylor Russell is nominated for Outstanding Lead Performance, while Mark Rylance scored an Outstanding Supporting Performance nomination.  Russell and Rylance play […]

  • CRITICS RAVE ABOUT DEV PATEL’S INTENSE AND THRILLING ACTION MOVIE “MONKEY MAN,” NOW SHOWING IN CINEMAS

    “Monkey Man,” Oscar® nominated actor (“Lion,” ”Slumdog Millionaire”) Dev Patel’s directorial debut, has a raw and intense power that is best experienced on the big screen.         Says cinematographer Sharone Meir of the film and director Patel: “I’m proud of how cohesive and unified the feel and the look of the movie is. I’m […]

  • Malaking karangalan na i-celebrate ang achievements niya: Fil-Am singer na si H.E.R., cover girl ng VOGUE Philippines

    ANG Grammy and Oscar winning Filipino-American singer na si H.E.R. ang cover ng VOGUE Philippines para sa buwan na ito.       Isang malaking karangalan kay H.E.R. (Gabriella Sarmiento Wilson in real life) ang maging cover girl ng naturang magazine na sine-celebrate ang kanyang mga naging achievements sa larangan ng musika.       […]