Silip sa dating PBA coach
- Published on February 18, 2021
- by @peoplesbalita
NATATANDAAN pa po ninyo si Bill Bayno?
Siya po ang kontrobersiyal na naging coach sa Philippine Basketball Association (PBA) sa Talk ‘N Text Phone Phone Pals (Talk ‘N Text Tropang Giga na ngayon) noong 2001-2002.
Kontrobersiyal ang pananatili niya sa ‘Pinas dahil kinalaban siya at ang TNT ng Basketball Coaches Association of the Philippines (BCAP) para mapigilan pag-upo niya sa team.
Na napagigsing nga dahil maigting ang kampanya noon ng samahan para sa mga dayuhan na mag-coach sa pambansang propesyonal na liga, para hindi maagawan ng trabaho ang mga lokal.
Binatikos din ni Bayno ang PBA na inakusahan niya bilang San Miguel Corporation (SMC) league kung saan pinagmulta siya ng rekord na P.2M nang noo’y komisyoner, namayapa nang si Emilio ‘Jun’ Bernardino, Jr.
Parang kalian lang ano po?
Noong nakaraang Lunes, Pebrero 8, lumitaw siya sa social media nang bumaba na sa kanyang puwesto angbilang Indiana Pacers assistant coach sa National Basketball Association (NBA) dahil sa isyu ng problema sa kaisipan.
Bago ang pagbibitiw ng 58-anyos na tubong Goshen, New York, hindi siya nagpakita sa koponan sapul pa noong Enero 25 matapos ang dalawang linggong bakasyon.
“He’s been through a lot in the last 18 months, including the death of his mother. He’s a social guy, so the isolation hasn’t helped. I hope he gets the helps he need,” pahayag ni Scott Agness na pinaskil sa HoopsHype.
Hirit naman ni Adrian Wojnarowski ng ESPN: “Bayno has privately described a need to step away from the pressures and workload of the NBA grind amid the pandemic, especially in the aftermath of several personal losses, including the loss of both his parents.”
Namatay ang nanay ng cage bench strategist sa kanser noong Abril 2020, habang ang tatay naman noong 2019.
Inabot po ng Opensa Depensa ang mamang ito nang naka-beat pa ako noon sa PBA. Palangiti at maayos siyang kausap.
Dalangin ko po ang pagbabalik sigla mo Bayno.
***
Belated Happy Valentines Day po sa lahat. (REC)
-
DFA, nangakong bibigyan ng maximun protection’ ang mga Pinoy sa Kuwait
BINIGYANG diin ng Department of Foreign Affairs na bibigyan ng “maximum protection” ang mga Pilipinong nasa Kuwait. Ito ay upang maibsan ang pag-aalala ng migrant community sa Gulf nation kasunod ng biglaang pagsususpinde ng mga bagong entry visa para sa mga Filipino. Ayon sa tagapagsalita ng DFA na si Tessie Daza […]
-
2,000 na laptop ipinamahagi ng QC LGU sa mga public school teachers
IPINAMAHAGI ng QC Local Government Unit ang nasa 2 libong piraso ng brand new laptop sa mga guro sa mga pampublikong paaralan, Day Care Centers at Community Learning Centers sa lungsod. Layon ng hakbang na ito ay upang matulungan sa kanilang pagtuturo ang mga QC public school teachers. Ayon sa QC […]
-
CARLA, magiging aligaga na sa paghahanda sa kasal nila ni TOM sa October
MUKHANG aligaga na si Kapuso actress Carla Abellana dahil hindi na magtatagal at ikakasal na sila ng fiancé niyang si Kapuso actor Tom Rodriguez. Pero heto at naka-lock in taping pa siya sa bago niyang teleserye na To Have And To Hold, with Max Collins and Rocco Nacino. Updated nga ni […]