• July 19, 2024
  • Ang Diyaryong Pinagkakatiwalaan

SIM registration, walang extension – NTC

NANINIWALA ang National Telecommunications Commission (NTC) na hindi na kailangan pang palawigin ang SIM card registration sa bansa.

 

 

Ayon kay NTC Director Imelda Walcien, kumpiyansa silang matatapos ng mga telecommunication companies ang pagrerehistro sa halos 169 milyong SIM cards hanggang sa deadline nito na Abril 26.

 

 

Matatandaang alinsunod sa itinatakda ng batas, mayroon lamang 180 araw ang mga telcos upang irehistro ang mga SIM cards o mula noong Disyembre 27, 2022 hanggang sa Abril 26.

 

 

Iniulat din ng NTC na hanggang nitong Enero 5, 2023, mayroon nang 14.86 milyong SIM cards ang nakarehistro. Ito ay 9% ng kabuuang 168.98 milyong SIM cards na ginagamit sa bansa.

 

 

Sa naturang bilang, nasa 7.21 milyon ang SIM na nairehistro ng Smart Communications Inc., nasa 6.39 milyon naman ang nairehistro ng Globe Telecoms habang nasa 1.26 milyon ang Dito Telecommunity Corp..

 

 

Ani Walcien, sa bilang na ito, inaasahan nilang makukumpleto ang SIM card registration sa takdang panahon.

 

 

Gayunman, kung ma­bigo aniya ang mga telcos na maisagawa ito, maaari namang palawigin ng Department of Information and Communications Technology (DICT) ang procedure ng 120 araw. (Daris Jose)

Other News
  • Ads November 16, 2021

  • Lacson, Gonzales nagbabala ng ‘destabilization’ kung mananalo si Marcos Jr. sa Halalan 2022

    KAPWA nagbabala sina Presidential bets Sen. Panfilo Lacson at dating defense secretary Norberto Gonzales sa posibleng mangyaring “destabilization” sa bansa kung mananalo sa pagka-pangulo si dating Sen. Ferdinand “Bongbong” Marcos Jr.     Sa isang press conference sa Manila Peninsula, araw ng Linggo, sinabi nina Lacson at Gonzales, kasama ang kapuwa presidential candidate na si […]

  • Fighting Maroons bagong hari ng UAAP!

    TINAPOS ng University of the Philippines Figh­ting Maroons ang kanilang 36-taong pagkauhaw sa korona matapos talunin ang Ateneo Blue Eagles sa overtime, 72-69, sa ‘winner-take-all’ Game Three ng UAAP Season 84 men’s basketball championship kahapon sa MOA Arena sa Pasay City.     Hinirang na bayani si guard Joel Cagulangan na nagsalpak ng three-point shot […]