Sky Candy pinapaboran

MAY pitong kabayo ang idineklarang mga tatakbo sa pag-arangkada ng 2020 Philippine Racing Commission (Philracom) 3-Year-Old Imported/Local Challenge Race sa San Lazaro Leisure Park sa Carmona, Cavite kahapon (Linggo, Oktubre 25).

Nagtagisan sa papremyong sina American Factor, In The Zone, Kick The Gear, Phenom, Sky Candy, Spuntastic at Tony’s Love.

Nakikinita ng mga karerista, ang kapana-panabik na harurutan sa 1,800-meter race na suportado ng Philracom dahil puro mga future champion ang grupo ng mga kasali.

“Sky Candy pa rin ako riyan. Pero sigurado mapapalaban siya sa mga kasali na mga pang stakes race rin ang kalibre,” reaksyon ni Amelito Garcia, na madalas makasaksi sa ensayo ng ilang kabayo nang hindi pa nang hindi pa nagka-Covid-19 ang bansa nitong Marso. (REC)