SSS calamity assistance sa ‘Paeng’ victims, binuksan na
- Published on November 19, 2022
- by @peoplesbalita
BINUKSAN na kahapon ng Social Security System (SSS) ang aplikasyon para sa calamity assistance ng mga miyembro at pensioners nito na nasalanta ng bagyong Paeng.
Ayon kay SSS President at Chief Executive Officer Michael G. Regino, ang SSS Calamity Assistance Package ay kabibilangan ng Calamity Loan Assistance Program (CLAP) para sa mga miyembro at Three-Month Advance Pension naman para sa SSS at Employees’ Compensation (EC) pensioners.
Ang mga miyembro na pensioners na nakatira sa lugar na isinailalim sa state of calamity ng National Disaster Risk Reduction and Management Council (NDRRMC), o ng Sangguniang Bayan, Panglungsod, o Panlalawigan ang maaaring makakuha ng financial assistance.
Ang mga ito ay CALABARZON o Region IV-A, Bicol Region, Western Visayas at BARMM.
Sa ilalim ng CLAP, ang qualified SSS members na apektado ni Paeng ay may loan equivalent ng kanilang isang buwang salary credit na hanggang P20,000. Ang calamity loan ay babayaran sa loob ng 2 taon na may 10% annual interest rate.
“Pensioners may avail of the Three-Month Advance Pension wherein SSS pensioners will be given three months advance of their total monthly pension. We want to help our members and pensioners during these difficult times. We hope that the financial aid that we extended to them will be of big help to rebuild their lives,” sabi ni Regino.
Inanunsyo rin ni Regino na ang mga SSS members at pensioners na naapektuhan ng Super Typhoon Karding ay may hanggang January 6, 2023 para maka-avail ng calamity loan at tatlong buwang Advance Pension.
-
Pontillas dagdag lakas sa Sta. Lucia Lady Realtors
NADAGDAGAN ng armas ang Sta. Lucia Lady sa nalalapit na pagbubukas ng Premier Volleyball League (PVL) All-Filipino Conference sa Mayo sa pag-anib ni dating Philippine Super Liga (PSL) star Aiza Maizo-Pontillas. Isiniwalat nitong Biyernes ng Lady Realtors ang paglambat sa bagong sandala na aayuda kina stalwarts Mika Aereen Reyes, Shiela Marie ‘Bang’ Pineda […]
-
DA, DILG pinaigting ang implementasyon ng “HAPAG KAY PBBM PROGRAM” para sa food security
KAPUWA sumang-ayon ang Department of Agriculture (DA) ar Department of the Interior and Local Government (DILG) na paigtingin ang implementasyon ng localized agriculture production program na naglalayong tiyakin ang food security at pagaanin ang kahirapan sa bansa. Ang DA at DILG ang mga nangugunang ahensiya sa implementasyon ng Halina’t Magtanim ng Prutas at Gulay, Kadiwa’y […]
-
Dahil sa kawalan ng trabaho at problema sa pamilya, kelot nagpakamatay
ISANG 33-anyos na lalaki ang nagpasyang magpakamatay sa pamamagitan ng pagbaril sa kanyang sarili dahil umano sa depresyon dala ng kawalan ng trabaho at problema sa pamilya sa Malabon City, kamakalawa ng hapon. Kinilala ni Malabon Police Sub-Station 3 commander P/Maj. Carlos Cosme ang biktima na si Charie Odtuhan ng No. 9 Camia […]