State-owned banks at panukalang 2021 national budget ang paghuhugutan ng pondo para pambili ng bakuna laban sa Covid -19
- Published on October 17, 2020
- by @peoplesbalita
SINABI ng Malakanyang na ang mga state-owned banks at ang panukalang 2021 national budget ang magpo-pondo sa pagbili ng Covid-19 vaccines.
Ayon kay presidential spokesperson Harry Roque na ang Land Bank of the Philippines at Development Bank of the Philippines ang magbibigay ng pondo para sa pagbili ng bakuna laban sa Covid-19 kung saan ay isasakatuparan sa pamamagitan ng state-run Philippine International Trading Corporation.
Ang panukalang 2021 national budget ang magkakaloob ng initial allocation na P2.5 billion para sa pagbili ng Covid-19 vaccines.
Ang pahayag na ito ni Sec. Roque ay matapos na ideklara ni Pangulong Rodrigo Roa Duterte sa kanyang public address, Miyerkules ng gabi na mayroon ng pera ang pamahalaan para bumili ng bakuna kung saan ay posibleng sa Russia o China.
Gayunman, sinabi ng Pangulo na nais niya na magkaroon pa ng mas maraming pera upang matiyak na ang lahat ng mga filipino ay makatatanggap ng bakuna.
Sa kabilang dako, sinabi naman ni Finance Secretary Carlos Dominguez III na P20 billion ang kakailanganin para mabakunahan ang 20 milyong katao.
Prayoridad na mabigyan ng bakuna ay ang mga mahihirap na Filipino at frontliners gaya ng pulis at sundalo.
“Hindi po mahuhuli ang mga mayayaman. They can always buy it dahil mayroon naman po silang pera,” ayon kay Sec. Roque. (Daris Jose)
-
US tennis star Coco Gauff hindi makakapaglaro sa Olympics matapos magpositibo sa COVID-19
Hindi na makakapaglaro sa Tokyo Olympics si American tennis player Coco Gauff matapos na ito ay magpositibo sa COVID-19. Ayon sa 17-anyos na US tennis player na labis ito ng nadismaya matapos na malaman na positibo ito sa nasabing virus. Matagal aniya na pangarap niyang maglaro sa Olympics subalit hindi na […]
-
Kinabog ang early favorite na si Michelle: Pambato ng Pasay City na si CELESTE, kinoronahan bilang Miss Universe PH
ANG representative ng Pasay City na si Celeste Cortesi ang kinoronahan bilang Miss Universe Philippines 2022 sa SM Mall of Asia Arena noong Sabado ng gabi. Ang Kapuso actress-beauty queen na si Michelle Dee na kinatawan ang Makati City ay binigyan ng titulong Miss Universe Philippines Tourism. Samantalang si Miss Bohol Pauline Amelinckx ay […]
-
Deployment ng mga pulis dodoblehin ngayong holiday season – PNP chief
DODOBLEHIN ng Philippine National Police (PNP) ang deployment ng mga pulis ngayong holiday season. Ito’y bilang paghahanda sa posibilidad na magkaroon ng pagtaas ng kaso ng kriminalidad ngayong holiday season. Kaya dodoblehin ni PNP Chief Gen. Camilo Pancratius Cascolan ang mga pulis na magbibigay seguridad ngayong darating na pasko at bagong taon. […]