Strength talaga ng GMA ang comedy at game shows: MICHAEL V. at DINGDONG, nagbahagi ng kahulugan sa kanila ng ‘More Tawa, More Saya’
- Published on February 13, 2025
- by Peoples Balita
NGAYONG 2025, patuloy na nagdadala ng walang limitasyong tawanan at saya ang GMA Network sa mga manonood sa pamamagitan ng award-winning at top-rating comedy at game show nito.Inilunsad kamakailan ng GMA Entertainment Group’s Comedy, Infotainment, Game, at Reality Productions ang campaign na “More Tawa, More Saya”.
Ang isang pangunahing highlight ng kampanya ay ang paglabas ng isang orihinal na kanta na may parehong pamagat, na isinulat at inayos ng comedic genius na si Michael V. at Aunorable Productions.
Noong Lunes (Pebrero 10), ibinahagi rin ng GMA ang isang mini-documentary, “YouLOL Originals presents: The making of More Tawa, More Saya.” Sa video, ibinahagi ng mga Kapuso stars at personalidad kung ano ang ibig sabihin ng kampanyang ito.
Ayon kay Michael V., “Ito ‘yung dalawang bagay na pwede mong i-share na hindi kailangan ng pera o materyal na bagay. Pwede mong i-share ang tawa at saya sa mga kaibigan at pamilya mo, pati na rin sa mga kababayan mo.”
Ipinagdiriwang din ng kampanya ang mga milestone ng Network.
Dagdag pa ni Bitoy, “Parang nag-align ‘yung stars eh. 75th anniversary ng GMA, 30th anniversary ng Bubble Gang, tapos 15th anniversary ng Pepito Manaloto. Pinaghahandaan na ng Bubble Gang ang isang malaking celebration at sa Pepito Manaloto naman, magkakaroon ng extension ang buhay ng mga character sa show kaya kaabang-abang ‘yan.”
Samantala, excited na ang Kapuso Primetime King Dingdong Dantes sa ikatlong anibersaryo ng “Family Feud.”
Pahayag ni Dingdong, “Talagang more tawa, more saya sa Family Feud lalo na kapag may kasama tayong nanonood sa bahay, nakikipagkulitan tayo at nagpapagalingan tayo kung sino ang tamang sagot.”
Ang “The Boobay and Tekla Show,” sa kabilang banda, ay nasa ika-7 taon na ngayon sa isang espesyal na buwanang pagdiriwang ng anibersaryo ngayong Pebrero.
Sabi ni Tekla, “Napakapalad namin ni Boobay, hindi namin akalain na magiging ganito kalaki at tatagal ang TBATS.”
Sey naman ni Bobay, “Pinakahinihintay talaga nila ang magiging guests namin, kaya lalo nilang dapat abangan ‘yan sa aming celebration this month.”
Higit pa rito, ipinapaalala ng Creative Director Caesar Cosme sa audience na narito ang GMA comedy at game show para magbigay ng entertainment sa mga panahong ito.
Lahad pa niya, “Strength talaga ng GMA ang comedy at reminder ito sa mga tao na kalimutan muna ang mga problema, tawanan lang natin, at malalagpasan din natin kung ano man ‘yan.”
Panoorin ang mini-documentary na “More Tawa, More Saya” sa YouLOL’s Facebook, YouTube, at TikTok accounts at sa social media platforms ng Bubble Gang, Pepito Manaloto, at The Boobay and Tekla Show. (ROHN ROMULO)
Other News
-
Ads March 24, 2025
-
9K pulis ikakalat sa 1,106 checkpoints sa ‘NCR Plus’
Magpapakalat pa ng karagdagang 9,356 pulis ang Philippine National Police sa mga quarantine control checkpoints na sakop ng NCR Plus bubbles. Sa ginanap na press conference, sinabi ni Joint Task Force COVID Shield Commander Police Lt. Gen. Cesar Binag, paparahin sa 1,106 checkpoints sa NCR, Bulacan, Cavite, Laguna at Rizal ang mga motorista […]
-
Navotas pangalawa sa pinakamababang COVID attack rate sa NCR
NAKAMIT ng Navotas ang pangalawang pinakamababang ranking sa daily attack rate ng Coronavirus Disease 2019 sa mga local government unit sa Metro Manila. Ayon sa OCTA Research group, ang Navotas ay dumausdos sa pangalawang puwesto mula sa 14 th place na may attack rate na 4.9 percent bawat 1,000 populasyon. Inihambing sa pag-aaral […]