• June 22, 2024
  • Ang Diyaryong Pinagkakatiwalaan

Sunog sa Paco, Maynila: 1 patay

Isang babae ang nasawi nang maipit sa kaniyang nagliliyab na bahay sa sunog na naganap isang residential area sa Paco, Maynila dulot umano ng napabayaang rice cooker, kahapon ng madaling araw.

 

Inisyal na kinilala ang nasawi na si Loida Reyes Delayman, 54, ng Interior 29 Gomez Street, Brgy. 823 Paco, ng naturang lungsod.  Isa pang babae na inaalam pa ang pagkakakilanlan ang nasugatan sa insidente at agad na isinugod sa pagamutan.

 

Sa ulat ng Bureau of Fire Protection-Manila, dakong alas-4:30 ng madaling araw nang mag-umpisa ang sunog sa bahay ng pamilya Delayman na agad na itinaas sa unang alarma dahil sa biglaang pagkalat nito sa buong bahay.

 

Nahirapang maapula ng mga rumespondeng bumbero ang apoy dahil sa makitid na daan sa looban kung saan nakatirik ang bahay. Dahil din sa gawa sa light materials, naitaas sa ikaapat na alarma ang apoy dakong alas-5:25 ng madaling araw.

 

Tumagal pa hanggang alas-7:28 ng umaga bago tuluyang maapula at mapigilan ang pagkalat ng apoy saka sinundan ng pagdedeklara ng fire-out dakong alas-8:50 na ng umaga.

 

Sa isinagawang mopping operation, nadiskubre     ang bangkay ni Delayman sa loob ng natupok nilang bahay nang hindi na niya magawang makalabas.

 

Sa pahayag ng BFP, nasa 50 bahay ang nada­may kung saan nakatira ang higit sa 100 pamilya at aabot sa higit-kumulang P500,000 ang halaga ng pinsala. (GENE ADSUARA)

Other News
  • Magbibitiw sa puwesto dahil nagsasawa ng labanan at tuldukan ang korapsyon sa burukrasya

    INAMIN ni Pangulong Rodrigo Roa Duterte na nagpahayag siya na gusto na niyang magbitiw sa puwesto dahil sa pagkadismaya at pagkabigo dahil sa hirap na maalis ang korapsyon sa gobyerno.   Sa kanyang public address, Lunes ng gabi ay inamin ng Pangulo na nakararanas siya ng matinding hirap para labanan ang korapsyon sa burukrasya. Aniya, […]

  • LTFRB binalaan ang mga operators at drivers ng EDSA Carousel buses na tumatangap ng bayad

    BINALAAN ng Land Transportation Franchising and Regulatory Board (LTFRB) ang mga kumpanya ng EDSA Carousel na sumisingil ng bayad sa mga pasahero at kung saan pinaalalahanan din ang mga pasahero na libre ang sakay round the clock sa buong buwan ng December.     Nilinaw ng LTFRB ang tungkol sa issue dahil sa mga nakakarating […]

  • ILANG KALSADA, DI PA RIN MADAANAN-DPWH

    NAG-ABISO sa mga motorista ang Department of Public Works and Highways (DPWH)  na hindi pa rin maaaring madaanan ang walong kalsada habang limitado ang access ng limang pang kalsada dahil sa pagbaha, landslide, bumagsak na tulay at soil collapse o pagguho ng lupa.     Ayon sa Department of Public Works and Highways-Bureau of Maintenance […]