• April 20, 2024
  • Ang Diyaryong Pinagkakatiwalaan

Super Tekla at Michelle, nagkaayos na pagkatapos ng matinding kontrobersya

NAGKAAYOS na sina Super Tekla (Romeo Librada) at Michelle Lhor Bana-ag base na rin sa kuwento ng nanay ng anak ng komedyante sa programa ni Raffy Tulfo.

 

Bago nangyari ang pagbabati ay nakatakdang sumalang sa drug at lie detector test si Michelle para malaman kung nagsasabi siya ng totoo bago niya sampahan ng kaso si Tekla dahil sa umano’y hindi sila binibigyan ng pambili ng pagkain kung hindi siya sisiping.

 

May ipinakitang video rin ang dating kinakasama ng komedyante na inamin nitong nagma-masturbate siya sa harap mismo niya at ng anak.

 

Sa nasabing programa ay nabanggit ng Easy DNA na kakailanganin ng 100 strand ng buhok para sa drug test dahil hanggang 90 days ay kaya itong i- trace hindi katulad ng urine o blood test ay madali itong mawala kapag ininuman ng gatas o maraming tubig, base na rin sa paliwanag ng staff ng nasabing kumpanya.

 

At dahil nagkabati na sina Michelle at Tekla ay tinanong ni Raffy kung itutuloy pa ni Michelle ang lie detector at drug test since wala na rin naman itong saysay at pinatutuloy ito ng huli dahil gusto niyang patunayan sa lahat na nagsasabi siya ng totoo.

 

“Isa rin po sa dahilan kung bakit nakipag-ayos na po ako ay dahil sobrang stress na po ako at para na rin po sa anak ko kasi ayaw ko namang malaman niya paglaki kung anong nangyari sa amin ng tatay niya.

 

“Ang daming netizens po na galit na galit sa akin, sa pamilya ko, sa mga pamangkin ko at may pagbabanta pa. Totoong nagkamali po ako rati, nagka-bisyo pero inaayos ko naman na ang buhay ko. Sana po huwag idamay ang mga pamangkin ko kasi pati pag- aaral nila nadadamay,” pakiusap ni Michelle sa publiko.

 

Ang kapatid daw ni Michelle ang tumawag kay Tekla para magkita at magkaayos sila na ayon sa rating partner ni Tekla ay nagkapirmahan sila ng kasulatan na ginawa ng manager ng komedyante na si Rose Conde at saka ito ipapa-notaryo.

 

Ang hiling daw ni Tekla ay magbalikan sila ni Michelle pero hindi na nito kargo ang mga pamangkin pero tinanggihan ito ng huli at gusto na lang nitong maghiwalay sila at sustentuhan na lang ang anak nila.

 

Ang payo ni Raffy ay dapat abogado ang gagawa ng kasulatan at dapat may amount kung magkano ang ibibigay ni Tekla kada buwan para malinaw at hindi puwedeng wala.

 

Anyway, itinuloy ang lie detector test ni Michelle ni Atty. Garret Tungol na napanood ng publiko sa YT channel ng RTIA.

 

At dito napatunayan namang nagsasabi ng totoo si Michelle kaya lang nasilip ng abogado na walang lakas ang kaso kung itutuloy niya dahil unang-una nung nagpaligaya sa sarili si Tekla ay may dahilan naman para umiwas ang ina ng anak para hindi sila matalsikan ng likido dahil hindi naman siya itinali o iginapos para hindi makaalis ng kuwarto.

 

Hindi rin daw siya pinupuwersang makipagtalik para sana puwedeng kasuhan ng marital rape. At higit sa lahat, hindi rin tatayo sa korte ang katwirang hindi sila pinapakain o hindi bibigyan ng pambili ng pagkain sa loob ng isang araw o dalawa kapag hindi siya pumayag na sumiping.

 

Kaya tama lang daw na nagkaayos na sina Tekla at Michelle para makaiwas na rin sa gulo at para sa ikatatahimik na rin nilang lahat. At bago nagtapos ay humiling si Michelle ng tulong kay Raffy para sa upa ng tinutuluyan nilang bahay na 3 buwan ng hindi bayad at pangkain.

 

Sa tanong kung bakit hindi maghanap ng trabaho si Michelle, “hindi pa po ngayon kasi ipapayos ko pa po itong ngipin ko kasi hindi naman po ako tatanggapin pag sira.”

 

At dito na nagsabing sasagutin ng radio host ang ngipin ni Michelle, ang apat na buwang renta ng bahay at grocery.

 

Samantala, sa part 2 naman ng paglilinis ng condo ni Tekla na iniwan nina Michelle na sobrang dumi at iniipis ay malinis na at matatawag ng bahay talaga.

 

Ayon kay Donita Nose na kaibigan ng komedyante, “hayan makakatulog ka na ng maayos kasi malinis na lahat. Sa nagbigay po ng pambili ni Tekla ng mga bagong gamit (unan, bedsheet, gamit sa kusina at iba pa), maraming salamat po at ayaw niyang ipabanggit ang pangalan niya.”

 

Nagpasalamat din si Tekla sa lahat ng magpakita ng suporta at nagparamdam at least hindi niya naramdamang nag-iisa siya dahil kamuntikan na raw siyang tumalon. Sa ngayon ay tanggap na niya ang lahat at move on na siya.

 

Pinasalamatan naman ni Donita Nose si Raffy Tulfo dahil malaking tulong na naibigay nito at naging daan para magka-ayos sina Tekla at Michelle. (REGGEE BONOAN)

Other News
  • 15 milyong target bakunahan sa 3-day national vaccine drive – DOH

    Target ng Department of Health (DOH) na mabakunahan ang nasa 15 milyong Pilipino sa ikakasang tatlong araw na ‘national COVID-19 vaccination drive’ na nakatakda sa Nobyembre 29 hanggang Disyembre 1.     “We are doing everything that we can so that this can be successful and we can reach our average or our targets,” ayon […]

  • Pagdanganan may pag-asa sa Summer Olympic Games

    BIGATIN talaga ang pagtapos ni Bianca Pagdanganan sa apat na magkakatabla sa ikasiyam na puwesto sa nitong lang Oktubre 8-11 na 58th KPMG Women’s Professional Golf Association (PGA) Championship 2020 sa Newtown Square, Pennsylvania, USA.   Ang halaga ang nagbigay sa 22 taong-gulang na tubong Quezon City at bagito pa lang na propesyonal na manlalaro […]

  • Novak Djokovic nasungkit ang Semis spot ng Australian Open

    Pasok na sa semifinal rounds ng Australian Open si Novak Djokovic.   Ito ay matapos talunin si fifth seed Andrey Rublev sa score na 6-1 6-2 6-4.   Ito na ang pang-44 beses ng Serbian tennis star na nakaabot sa semifinals ng Grand Slam tournaments.   Labis ang kaniyang kasiyahan at hindi ito makapaniwala na […]