Suplay ng COVID-19 vaccine, hindi malayong kapusin sa first at second quarter ng taon –Galvez
- Published on February 17, 2021
- by @peoplesbalita
HINDI malayong kapusin ang Pilipinas sa suplay ng COVID-19 vaccine sa first at second quarter ng taon dahil karamihan sa western vaccines ay ginagamit ng Europa at and the United States.
Gayunman, kumpiyansa si Vaccine czar Secretary Carlito Galvez, Jr. na ang Pilipinas ay may sapat na suplay ng bakuna para ngayong taon para maisakatuparan ang vaccination program.
“Sa first quarter, second quarter, magkakahirapan pa rin po tayo dahil kasi ‘yong karamihan ng mga western vaccines ay ginagamit po ng mga tiga Europe at America,” ayon kay Galvez sa public address ni Pangulong Rodrigo Roa Duterte, Lunes ng gabi.
“Kung titingnan po natin ‘yong supply and demand sa 2021, may possibility po na ‘yong ating vaccination program ay makakaya po natin sa 2021,” dagdag na pahayag nito.
Naglaan ang Pilipinas ng P73.2 bilyong piso para pambili ng bakuna kung saan ang P40 bilyong piso ay mula sa multilateral agencies, P20 bilyong piso naman ay mula sa domestic sources, at P13.2 bilyong piso mula sa bilateral agreements.
Layon ng Pilipinas na makapagbakuna ng 50 hanggang 70 milyong indibiduwal sa loob ng taong kasalukuyan at 50,000 naman ay inaasahan na mababakunahan ngayong buwan ng Pebrero.
Ang mga priority groups ay kinabibilangan ng frontline health workers, indigent senior citizens, indigent population at uniformed personnel.
Nauna rito, sinabi ni Galvez na ang bakunang gawa ng American corporation na Pfizer ay unang gagamitin laban sa COVID-19 sa bansa dahil ang COVAX Facility ay magkakaroon ng maagang rollout ng nasabing brand. (Daris Jose)
-
Pagbabayad ng utang sa Philippine National Red Cross, kayang bayaran ng buo
SINABI ng Malakanyang na walang problema sa usapin ng pondo ang pamahalaan para mabayaran ang utang ng PHILHEALTH sa Philippine National Red Cross. Giit ni Presidential Spokesperson Harry Roque na kung sa kakayahang magbayad ng gobyerno para ayusin na ang atraso sa PNRC ay kaya naman nito. Iyon nga lamang ay kailangan lang […]
-
“Ang ipinaglaban natin noong nakaraang eleksyon ay pagpupugay sa ating demokrasya” – Fernando
LUNGSOD NG MALOLOS – “Ang ipinaglaban natin noong nakaraang eleksyon ay pagpupugay sa ating demokrasya laban sa pulitika ng pera at pwersa ng makapangyarihang sekta.” Ito ang pahayag ni Gobernador Daniel R. Fernando sa kanyang talumpati sa Ika-124 Anibersaryo ng Proklamasyon ng Kalayaan ng Pilipinas na ginanap sa bakuran ng Simbahan ng Barasoain […]
-
Muling pagbubukas ng ekonomiya, mapakikinabangan ng domestic inflation -NEDA
MAPAKIKINABANGAN ng domestic inflation rate ang katiyakan na magpapatuloy ang muling pagbubukas ng ekonomiya sa bansa dahil babagal ito ng 3% ngayong Enero 2022. “The sustained deceleration of domestic rate of price increases in January, from month ago’s 3.2 percent, is among the positive economic developments in the domestic economy to date,” ayon […]