Suplay ng tubig sa NCR, sapat sa gitna ng nakaambang El Niño -MWSS
- Published on March 30, 2023
- by @peoplesbalita
PINAWI ng Metropolitan Waterworks and Sewerage System (MWSS) ang pangamba ng publiko sa agam-agam na posibleng kakulangan sa suplay ng tubig sa gitna ng nakaambang El Niño phenomenon ngayong taon.
Ayon sa ahensiya, mayroong sapat na kapasidad ang Angat dam para matustusan ang kinakailangang tubig sa Metro Manila para sa nalalabing buwan ngayong taon.
Ayon kay MWSS Administrator Leonor Cleofas, sa isinagawang simulation ng technical working group (TWG) sa Angat Dam na nagsusuplay ng 90% ng kinakailangang tubig sa Metro Manila at karatig na probinsiya, nagpapakita na nananatiling nasa “comfortable” level ang antas ng tubig sa dam sa buong dry season.
Nitong Martes, nananatiling lagpas sa minimum operating level na 180 meters ang antas ng tubig sa Angat dam na nasa 203.25 meters
Inihayag din ng MWSS official na ang epekto ng El Niño na inaasahang magsisimula sa Hunyo na magtatagal hanggang unang bahagi ng first quarter ng 2024 ay mararamdaman sa huling bahagi pa lamng ng taon at sa unang bahagi ng susunod na taon.
Nang tanungin naman ang opisyal kaugnay sa inilabas na advisory ng Maynilad na water interruptions sa ilang bahagi ng Metro Manila at Cavite kada araw, sinabi ni Cleofas na magsasagawa ng pagpupulong ang MWSS kasama ang water concessionaire ngayong araw, Miyerkules, Marso 29 upang malaman ang kanilang dahilan. (Daris Jose)
-
Pacquiao at Mayweather muling maghaharap pero sa basketball game
Kinumpirma ng kampo nina US retired boxing champion Floyd Mayweather Jr at Filipino boxing champion Manny Pacquiao ang muli nilang paghahaharap. Ito ay hindi na sa boxing ring at sa halip ay sa basketball court. Itinakda kasi sa Enero 2022 ang basketball charity event na gaganapin dito sa Pilipinas. […]
-
RICHARD, may pahabol na bonggang birthday gift sa asawa; netizens napa-’SARAH All’
WALANG kupas talaga ang init ng pagmamahalan sa pagitan ng mag-asawang Richard Gutierrez at Sarah Lahbati. Mukhang habang nasa lock-in taping pa si Richard ng Ang Probinsyano ay nagawa pa rin nitong supresahin ang kanyang isis na si Sarah. Nag-celebrate na silang dalawa ng birthday ni Sarah, pero may pahabol pa palang birthday […]
-
Susan, ni-reveal na na-confine last year dahil sa pneumonia; traumatic ang experience kahit COVID-19 negative
NI–REVEAL ng Unang Hirit host at broadcast journalist na si Susan Enriquez na na-confine siya sa ospital noong May 2020 dahil sa pneumonia. Three days daw siyang na-confine sa COVID-19 ward dahil pinagsuspetsahang nahawaam siya ng naturang virus. Naging traumatic daw ang experience niyang iyon dahil sa ospital siya nag-birthday at wala siyang kasama. […]