Tax break sa e-motorcycles posible sa pagrepaso sa EV incentives
- Published on February 20, 2024
- by @peoplesbalita
NAKATAKDANG repasuhin sa susunod na linggo ang executive order na nagbabago sa tariff rates para sa electric vehicles (EVs), kung saan posibleng maisama ang e-motorcycles sa listahan ng mga sasakyan na nakikinabang sa tax breaks.
Naunang sinabi ni National Economic and Development Authority (NEDA) chief Arsenio Balisacan na ang Executive Order No. 12, series of 2022 na nagbibigay ng tax breaks sa ilang uri ng EVs ay magkakaroon ng mandatory review ngayong buwan.
Ang EO12 ay na-upload sa Official Gazette noong January 19, 2023, at nagkabisa noong February 20, 2023. Isasailalim ito sa pagrepaso simula February 21, 2024.
Ang EO12 ay inilabas upang palakasin ang Electric Vehicle Industry Development Act (EVIDA), sa layuning maisulong ang EVs sa bansa para matulungan itong maitulak ang green transport at mabawasan ang carbon emissions.
Maliban sa e-motorcycles, na hindi kasama sa tariff suspension at pinapatawan pa rin ng 30% import charge, ang iba’t ibang uri ng electric vehicles at mga component nito ay nakakuha ng mas mababang taripa sa ilalim ng EO12 mula sa dating 5% hanggang 30% sa kasalukuyang 0% import duty.
Ang NEDA ang ahensiya na nagrekomenda sa pagpapatupad ng EO12 sa loob ng limang taon upang baguhin ang tariff rates para sa ilang EVs at mga parts at components nito.
Nagpahayag ng alalahanin ang EV industry stakeholders sa EO12 buhat nang simulan ito noong 2023, binigyang-diin na hindi makatarungan na i-etsa-puwera ang e-motorcycles sa mga tumatanggap ng tax breaks mula sa pamahalaan kahit na ang motorsiklo ang bumubuo sa karamihan sa mga motorista sa bansa, ayon sa datos mula sa Land Transportation Office (LTO).
Sa datos ng Statista Research Department, nasa 7.81 million private motorcycles at tricycles ang nakarehistro sa Pilipinas noong 2022.
Ito rin ang nagtulak kay Albay Rep. Joey Salceda na ihain ang House Bill 9573, na naglalayong rebisahin ang EO12, upang isama ang e-motorcycles ss EVs na nabibigyan ng tax breaks. (Daris Jose)
-
PH, nakapagtala ng ‘biggest trade deficit’ mula ng nakalipas na 5 buwan
LUMAWAK pa ang trade deficit sa $5.74 billion noong Enero ng kasalukuyang taon matapos na malampasan ng importasyon ang exports ng bansa base sa data mula sa Philippine Statistics Authority (PSA). Ito ang biggest trade deficit mula noong agosto ng nakalipas na taon na nakapagtala ng monthly deficit na $6 billion. […]
-
Tom Cruise, kinumpirmang magsu-shoot ng pelikula sa outer space
PUNO ng exciting games at all-out performances mula sa naglalakihang Kapuso stars ang GMA musical-comedy- variety program na All-Out Sundays sa pagbabalik-studio nito ngayong Linggo (September 27). Matapos ang ilang buwan na pagte-tape ng All-Out Sun- days: The Stay Home Party sa kani-kanilang mga bahay, last Sunday ay masayang inanunsyo ng ilang cast members […]
-
Pagdanganan tabla sa ika-68, nakapagsubi pa rin ng P249K
HULI na ang pag-init ni Bianca Pagdanganan sa binirang two-under 69 para sa nine-over 297 na naglagak lang sa kanya kabuhol si American Angela Stanford sa 68th place na may tig-$5,189 (₱249K) prize sa pagtiklop ng 10th CME Group Tour Championship 2020 sa Tiburon Golf Club Gold course sa Naples, Florida na pinangunahan ni Ko […]