Team Philippines reresbak sa 2023 Cambodia SEAG
- Published on May 25, 2022
- by @peoplesbalita
MAITUTURING pa ring tagumpay ang kampanya ng Pilipinas sa katatapos na 31st Southeast Asian Games sa Hanoi, Vietnam.
Ito ay mula sa hinakot na 52 gold, 70 silver at 104 bronze medals ng Pinas para pumuwesto sa fourth place sa overall medal standings bagama’t apektado ng pandemya ang training ng mga atleta simula noong 2020.
Limitado ang naging preparasyon ng mga Pinoy athletes sa loob ng dalawang taon matapos magkampeon noong 2019 Manila edition bunga ng ipinatupad na lockdown, community quarantine restrictions at mahigpit na health and safety protocols sa bansa dahil sa COVID-19 pandemic.
Kumolekta ang mga Pinoy athletes ng 149 golds, 117 silvers at 121 bronzes nang pagharian ang SEA Games noong 2019.
Kagaya ng inaasahan, inagaw ng host Vietnam ang overall crown nang magposte ng 205 golds, 125 silvers at 116 bronzes kasunod ang Thailand (92-103-136) at Indonesia (69-91-81).
Nasa ilalim ng Pilipinas sa fifth place ang Singapore (47-46-73) at sixth-placer Malaysia (39-45-90).
Tampok sa fourth-place finish ng Pinas ang limang gintong medalyang hinakot ni two-time world champion Caloy Yulo sa men’s artistic gymnastics.
Inangkin ni Yulo ang mga golds sa men’s all-around event, floor exercise, vault, high bar at rings habang may silver siya sa men’s team event at parallel bars.
Dinuplika ng 22-anyos na Batang Maynila ang five-gold haul ni gymnast Rolando Albuera noong 1979 SEA Games sa Jakarta, Indonesia.
Nag-ambag naman ng dalawang ginto si Fil-Am Aleah Finnegan sa women’s team at women’s vault
Tumumbok din ng dalawang gold si billiards queen Rubilen Amit sa women’s 9-ball at 10-ball events.
Ipinagpatuloy naman nina Tokyo Olympics gold medalist Hidilyn Diaz, World No. 6 pole vaulter Ernest John Obiena at Tokyo Olympics bronze medal winner Eumir Felix Marcial ang dominasyon sa kanilang mga events.
Kapwa sinikwat nina Diaz at Obiena ang ikalawang sunod nilang SEA Games gold, samantalang muling naghari si Marcial sa men’s middleweight division sa ikaapat na dikit na pagkakataon.
Ngunit ang ikinabigla ng lahat ay ang kabiguan ng Gilas Pilipinas men’s 5-on-5 team sa Indonesia sa gold medal match.
Samantala, kumpiyansa si Philippine Sports Commission (PSC) chairman William ‘Butch’ Ramirez na muling lalaban para sa overall crown ang mga Pinoy athletes sa 2023 SEA Games sa Cambodia.
-
MARIAN, mukhang nainggit sa pagiging ‘fangirl’ ni BEA kay HYUN BIN
USUNG-USO na ang fangirling sa ating mga aktres ngayon, isa na nga ang bagong Kapuso actress na si Bea Alonzo. Nang mapanood niya ang sarili niya kasama in one frame ang bida ng Crash Landing On You na si Korean actor Hyun Bin for an advertisement ng isang shopping app na laging napapanood […]
-
Sports‘Facilities na ginamit sa 2019 SEAG, posibleng ginamit sa korapsyon’ – Sen. Hontiveros
HINDI na nakapagpigil pa si Sen. Risa Hontiveros na tawagin ang pansin ng kaniyang mga kapwa senador tungkol sa sports facilities na itinayo ng gobyerno noong 2019 South East Asian Games. Ayon kay Hontiveros, base sa kanyang pagsisiyasat ay kapansin-pansin umano ang degree of collusion sa pondo at konstruksyon ng proyekto sa New Clark […]
-
HALOS 2 MILYONG HALAGA NG SHABU NASAMSAM SA BUY BUST SA CAVITE
TINATAYANG halos P2 milyon halaga ng hinihinalang shabu ang nasasam sa pagkakaaresto ng tatlong katao kabilang ang nominee ng isang party List at isang menor de edad sa isang buy bust operation sa Dasmarinas City, Cavite Lunes ng hapon. Kinilala ang mga naaresto na sina Asrap Kamad Kasan Datu (ASRAP) , Nominee Partylist […]