Teenager isinelda sa boga at panggugulo sa Navotas
- Published on March 15, 2023
- by @peoplesbalita
KULUNGAN ang kinasadlakan ng 19-anyos na lalaki na nanghiram ng tapang sa dalang baril nang dumayo pa upang manggulo at maghamon ng away sa Navotas City, kahapon ng madaling araw.
Kinilala ni Navotas police chief P/Col. Allan Umipig ang suspek na si Leo Boy Arogante, residente ng Brgy. Longos, Malabon City na nahaharap sa kasong Alarms and Scandal, Art 155 of RPC at Sec. 28, Art V, R.A. 10591, Comprehensive Law on Firearms and Ammunitions
Sa kanyang ulat kay Northern Police District (NPD) Director P/BGen. Ponce Rogelio Peñones Jr, sinabi ni Col. Umipig na nakatanggap ang mga tauhan ng Navotas Police Sub-Station 4 Kaunlaran ng report mula sa mga tanod na isang lalaki ang nanggugulo sa Block 34, Tabing-Ilog, Tumana, Brg. NBBS Dagat-Dagatan.
Kaagad rumesponde sa nasabing lugar ang mga pulis at naabutan nila ang suspek na nanggugulo at nagsisigaw dakong alas-2 ng madaling araw kaya inawat nila ito saka sinabuhan na umuwi na lamang.
Gayunman, nagpatuloy pa rin umano sa pagwawala ang suspek na naging dahilan upang arestuhin na siya nina P/SSgt. Jason Dela Cruz, P/Cpl. Bobby Agustin at Pat. Mathew Adriano.
Nang kapkapan, nakuha sa kanya ang isang hindi lisensiyadong kalibre .38 revolver na may kargang dalawang bala na nakasukbit sa kanyang baywang kaya’t pinapurihan ni BGen. Peñones si Col. Umipig sa pagkakaaresto sa suspek. (Richard Mesa)
-
Chooks-to-Go Pilipinas sinimulan na ang ensayo
Sinimulan ng Chooks-to-Go Pilipinas 3×3 ang kanilang ensayo. Sinabi ni Eric Altamirano, ang commissioner ng liga, bago magsimula ang ensayo ay dumaan ang mga manlalaro sa COVID-19 test. Mula noong Lunes ay natapos ng magpa-COVID-19 test ang mga manlalaro ng Zamboanga Peninsula Valientes, Gapan Chooks, Bacolod Master Sardines at Family’s Brand Sardines ng […]
-
DOH pinag-aaralan kung irerekomenda na COVID-19 ‘self-test’ kits
Pinag-aaralan na ng Department of Health (DOH) kung imumungkahi na nito sa publiko ang paggamit ng COVID-19 test kits para ma-test ang sarili. Ayon kay Health Undersecretary Maria Rosario Vergeire, nakipagkita na ang DOH sa Food and Drug Administration (FDA) at mga dalubhasa ng Research Institute for Tropical Medicine (RITM) para rito. […]
-
JULIE ANNE, opisyal nang pinakilala ng GMA bilang ‘Asia’s Limitless Star’
OPISYAL nang ipinakilala ng GMA si Julie Anne San Jose bilang “Asia’s Limitless Star” kasabay ng media conference ngayong Huwebes para sa kanyang LIMITLESS, A Musical Trilogy. Sakto raw ito sa new project ni kung saan ipapamalas niya ang husay sa pagiging singer, songwriter, dancer, actress, host, at multi-instrumentalist sa iba’t ibang unexpected […]