Transport groups naghain ng mosyon sa SC pabor sa PUV modernization
- Published on January 17, 2024
- by @peoplesbalita
NAGHAIN ng mosyon ang iba’t ibang transport groups sa pangunguna ng Pasang Masda sa Supreme Court (SC) upang ipakita ang kanilang suporta sa PUV modernization program.
Pinangunahan ni Pasang Masda president Ka Obet Martin ang paghahain ng “motion for intervention” na layon ding harangin ang petisyon para sa temporary restraining order (TRO) na inihain ng PISTON sa SC.
Bukod kay Martin, kasama rin sa naghain ng mosyon ang grupong ALTODAP sa pamumuno ni Libay de Luna, ACTO ni Boy Vargas, at LTOP ni Lando Marquez Sr, at iba pang transport groups.
Ayon sa mga intervenors, inihain nila ang mosyon dahil sila ang lubos na maapektuhan kung anuman ang maging aksyon ng Korte Suprema sa petisyon.
Ipinaliwanag ng mga transport group na layon ng modernisasyon na maging kumportable ang mga pasahero at mas maging sistematiko ang pampublikong transportasyon sa pagkakaroon ng mga pasilidad tulad ng garahe, fleet management systems kabilang ang Automatic fare collection system (AFCS) at GPS, cash/finance management systems.
Bukod dito, magkakaroon din ng mas maayos na labor standards para sa mga drivers, operators, at transport workers.
“Wherefore, it is most respectfully prayed that the intervenors be allowed to intervene in this action and the attached opposition-in-intervention be admitted,” ayon sa mosyon.
Kinontra ni Martin ang sinasabi ng mga kontra sa modernisasyon na magkakaroon ng krisis sa transportasyon at overpriced na presyo ng modern jeeps. Iginiit niya na marami nang suppliers at halos P1 milyon kada unit na lamang ang presyo ng mga modern jeeps.
Hindi rin umano mawawala ang “iconic jeeps” dahil sa may mga manufacturer na gumagawa na ng disenyo nito na modern jeep basta ayon sa Philippine national standards. (Daris Jose)
-
Naitalang mga kaso ng cybercrime sa Metro Manila, tumaas sa halos 200% – PNP
INIULAT ng Philippine National Police Anti-Cybercrime Group na halos nag-triple na ang bilang ng mga kaso ng cybercrime na kanilang naitala sa buong Metro Manila sa unang bahagi ng taong 2023. Ito ang naitala ng Pambansang Pulisya ilang araw bago ang deadline ng SIM registration sa darating na July 25, 2023. […]
-
Walang sorpresa sa PBA Draft 1st round
WALANG nakakagulat na hakbang sa first round ng virtual proceedings ng 36th Philippine Basketball Association Draft 2021 sa TV5 Media Center sa Mandaluyong City kung saan naka-Zoom lang mga aplikante nitong Linggo. Hindi pinalampas ng Terrafirma si Joshua Munzon bilang top pick, No. 2 si Jamie Malonzo ng NorthPort, kinalabit ng North Luzon […]
-
Bagay naman dahil magaling siyang magluto at mag-bake: AI AI, endorser na rin ng isang culinary school na kung saan kumuha siya ng short course
JUST finished watching “Memories of a Love Story,” a film by Joselito “Jay” Altarejos starring Oliver Aquino, Migs Almendras and Dexter Doria. Hindi nga ba pwedeng magkaroon ng happy ending ang love story ng isang mahirap (Eric) at isang mayaman (Jericho)? The movie shows us na dahil sa pagkakaiba ng social classes, malabo […]