‘Tuition hike, asahan sa mga unibesidad at kolehiyo sa bansa’ – CHEd
- Published on June 10, 2020
- by @peoplesbalita
Inilatag ni Commission on Higher Education (CHEd) Commissioner Aldrin Darilag ang posibleng kaharapin na hamon ng mga estudyante at kanilang mga magulang dulot ng coronavirus pandemic.
Ito’y dahil na rin sa biglang pagbaba ng mga estudyanteng nag-enroll sa susunod na semester pati na rin ang malaking pagkalugi ng mga private higher education institutions.
Sa isinagawang Senate committee hearing on Sustainable Development Goals, bukod pa sa mga nabanggit na problema ay maaari ring tanggalin ang mga part-time at non-regular faculty members.
Nababahala rin umano si Darilag kung papaano mapapanatiling konektado ang guro at kaniyang mga estudyante upang makapag-aral maging ang gagastusin para mapanatili ito.
Malaking adjustment din para sa magkabilang-panig ang biglang transition sa flexible learning modalities tulad ng technology-mediated at blended learning.
Hindi raw kasi kasama sa pondo ng CHED ang kahit anong capital outlay at hindi rin maisasama sa kanilang request ang pagbili ng mga ICT-related outlay maging ang mga learning equipment tulad ng Brightspace o Blackboard.
Dahil dito ay umapela si Darilag sa Senado na tulungan ang ahensya na matugunan ang kinakailangang financial requirement.
Una nang kinumpirma ni President Rodrigo Duterte na inatasan nito ang Department of Information and Communications Technology (DICT) na makipagtulungan sa Department of Education (DepEd) at CHEd para sa pamimigay ng libreng WiFi sa mga eskwelahan. (Daris Jose)
-
Dahil ibibigay na ang noontime slot sa TVJ: ‘It’s Showtime’ nina VICE GANDA, ‘di na ire-renew ng TV5
NALUNGKOT ang mga viewers ng “It’s Showtime” nang malaman nilang wala na palang balak ang TV5 na i-renew ang show sa kanilang noontime slot matapos magwagi ang bagong bihis na “Eat Bulaga” against them. Sa interview kay Manny V. Pangilinan, TV5 owner, desidido umano ang kanilang pamunuan na ibigay na ang noontime timeslot […]
-
12,000 trabaho, bakante ngayon sa industriya ng turismo – Department of Tourism
PAPALO raw sa 12,000 trabaho ang bakante ngayong sa industriya ng turismo. Ayon kay Department of Tourism Cristina Frasco, kabilang sa hiring ang mga posisyon na sumusunod: -Administrative and purchasing -Food and beverage -House keeping -Sales marketing -Front office -Finance at bpo Sinabi ni Frasco, ito ay sa gitna ng […]
-
Pagbabago sa presyuhan ng asukal sa World Market, posibleng maramdaman ng PH
MAAARING maramdaman din ng mga Pilipino ang epekto ng pagtaas ng presyo ng asukal sa pandaigdigang merkado. Batay kasi sa prediksyon ng ilang mga international think tank, maaaring tataas ang presyo ng asukal sa ibat ibang bahagi ng mundo, dahil sa El Nino phenomenon. Katwiran ng mga firm, ang El Nino […]