TWG binuo ng DCC subcom upang pagsama-samahin ang mga panukala sa programang “balik-probinsya”
- Published on November 20, 2020
- by @peoplesbalita
Isang technical working group (TWG) ang binuo ng New Normal Cluster of the Defeat COVID-19 Ad-Hoc Committee (DCC) sa kamara para pagsasama-samahin ang limang panukala na naglalayong buuin ang Balik Probinsya Program.
Ito ay ang House Bills 6762, 7072, at 7111 na bubuo sa “Balik Probinsya, Bagong Pag-Asa” Program; HB 6970 na naglalayong gawaran ng mga insentibo ang mga kompanyang magtatayo ng mga bagong negosyo, magpapalawig o maglilipat ng operasyon sa kanilang negosyo sa ilalim ng Balik Probinsya Program bilang pagtugon sa Philippine Recovery and Rural Development (PRRD); at ang HB 7310 na naglalayong itatag ang Balik Probinsya Financial Assistance Fund Program.
Sinabi ni RECOBODA Party-list Rep. Godofredo Guya, isa sa may-akda ng HB 7072, na ang mga oportunidad sa mga kanayunan ay limitado, kakulangan sa mga imprastraktura na susuporta sa inaasahang pagdagsa ng mga tao, at maliit o kawalan ng insentibo sa mga taong mahihikayat na bumalik sa kanayunan na maaaring makaakit sa mga tao.
Sa mga kadahilalang ito, sinabi ni Guya na dapat lamang na isaayos ang pangangailangang pundasyon sa implementasyon ng Balik Probinsya Program.
Para kay Subcommittee Chair at Deputy Speaker Loren Legarda, ang pandemya at ang mga nanalasang bagyo sa bansa at kalamidad ang nagbigay ng pangangailangan upang paunlarin ang mga polisiya at gawin itong pantay at “hindi lamang nakatuon sa NCR.”
“Dapat ay magkaroon ng pantay-pantay na kaunlaran sa lahat ng rehiyon – pantay, mapanatili, matatag, at luntiang kaunlaran sa mga rehiyon,” ani Legarda. (ARA ROMERO)
-
₱40B COVID-19 vaccines, maaaring masayang dahil sa mababang vax turnout — Concepcion
NAGBABALA si Presidential adviser for entrepreneurship Joey Concepcion na may ₱40 bilyong halaga ng COVID-19 vaccine doses ang malapit nang mapaso’ o ma-expire at masayang lamang bunsod ng mababang immunization turnout. “Yes, I’m told the cost of all of these vaccines amount to ₱40 billion.” Concepcion said in a public briefing. “Siyempre iba […]
-
PDu30, ipinagkibit-balikat lang ang pambabatikos ng “dating mahistrado” hinggil sa drug war
IPINAGKIBIT-BALIKAT lang ni Pangulong Rodrigo Roa Duterte ang mga pambabatikos at paninira ng isang “dating mahistrado”, at paglalarawan sa kanyang giyera laban sa ilegal na droga bilang “clearly unconstitutional.” Bagama’t hindi naman pinangalanan ni Pangulong Duterte ang tinutukoy niyang “dating mahistrado”, matatandaan na kamakailan lamang ay kinumpara ni retired Supreme Court (SC) senior […]
-
DepEd, lumikha ng task force para suriin ang SHS program
NAG-ORGANISA ang Department of Education (DepEd) ng national task force na susuri sa implementasyon ng senior high school (SHS) program. Base sa memorandum na nilagdaan ni DepEd Undersecretary Gina Gonong na may petsang Mayo 11, ang task force ay nilikha “to address the emerging challenges in the implementation of the SHS program in […]