TWG binuo para balangkasin ang “Sagip Kolehiyo Act”
- Published on January 23, 2021
- by @peoplesbalita
Pinagtibay ng House Committee on Higher and Technical Education ang House Resolution 1380 na iniakda ni Rizal Rep. Juan Fidel Felipe Nograles.
Layon ng resolusyon na hilingin sa komite na hikayatin ang pagsasanay ng mas maraming Pilinong siyentista at dalubhasa sa ibang bansa.
Sinabi ni Dr. Ben Macatangay, kinatawan mula sa Commission on Higher and Technical Education (CHED), na ang suporta ng pamahalaan para sa dayuhang scholarship at pagsusulong ng ibayong pag-aaral at pagsasanay sa ibang bansa ay isang magandang puhunan sa mataas na edukasyon, na tiyak na mamumunga ng maraming manggagawa na may teknikal na kakayahan, kabilang na ang pagpapalawig ng paglilipat ng kaalaman, kasanayan at teknolohiya.
Binuo rin ng komite ang isang technical working group (TWG) na babalangkas sa HB 7446 o ang “Sagip Kolehiyo Act,” na nalalayong gamitin ang Unified Student Financial Assistance System for Tertiary Education (UNIFAST), para sa pag-eenrol at ayuda sa pag-aaral ng mga estudyante sa kolehiyo, na mga anak ng Overseas Filipino Workers (OFWs), at iba pang mga manggagawa, na nawalan ng trabaho dahil sa pagbagal ng ekonomiya na sanhi ng pandemyang dulot ng COVID0-19.
Layon pa ng panukala na palakasin ang enrollment sa mga pribadong Higher Educational Institutions (HEIs), at maiiwasan nito ang pagdami ng walang trabaho sa bansa.
Inaprubahan ng komite ang mga lokal na panukala: HB 8198 na iniakda ni Deputy Speaker Pablo John Garcia, na naglalayong gawing regular na campus ang Balanban extension campus ng Cebu Technological University (CTU); at ang HB 8247 ni North Cotabato Rep. Jose Tejada, na naglalayong itatag ang isang medical school sa University of Southern Mindanao (USM). (ARA ROMERO)
-
Mataas na palitan ng piso vs dolyar, ramdam na ng mga OFW
NARARAMDAMAN na ng Overseas Filipino Workers (OFWs) ang pagtaas ng palitan ng piso kontra dolyar. Ito ay matapos pumalo na sa P56.77 ang palitan ng piso kontra dolyar ngayong buwan at nahigitan nito ang P56.45 na naitala noong October 2014 kung saan, ito na ang all-time low na palitan sa pagitan ng piso […]
-
Workouts ni Sotto sa NBA teams sunud-sunod
TULOY lang si Kai Sotto sa pagpapakitang-gilas sa ilang serye ng workouts para sa 2022 NBA Rookie Draft na idaraos sa Hunyo 23 (Hunyo 24 sa Maynila) sa Brooklyn, New York. Sa pagkakataong ito, sumalang ang 7-foot-3 Pinoy cager sa workout ng Cleveland Cavaliers para makita ang talento nito ng mga coaches at […]
-
Prangkisa ng Grab napipintong kanselahin ng LTFRB
NAPIPINTONG kanselahin ng Land Transportation Franchising and Regulatory Board (LTFRB) ang prangkisa ng Grab Philippines dahil umano sa pagpasa ng 20-percent discount para sa pasaherong persons with disabilities (PWDs), estudyante at senior citizen sa kanilang mga driver. Nabuking ito sa pagdinig ng Senate Committee on Public Services nang komprontahin ang kinatawan ng Grab […]