UMID ID ng SSS, papalitan ng ATM Pay Card
- Published on December 12, 2022
- by @peoplesbalita
PAPALITAN na ang regular UMID card na ginagamit ng mga miyembro ng Social Security System (SSS) matapos makipagkasundo ang ahensya sa mga bangko para sa pagpapalabas ng bagong UMID ATM Pay Cards.
Kapag mayroon nang UMID ATM Pay Cards, ang SSS members ay mas mabilis nang makakakuha sa kanilang account ng kanilang benepisyo, loans, at refunds, at maaari ring maka-access sa mga participating banks na may available ATMs, at online & mobile platforms para sa kanilang banking transactions.
Sinabi ni SSS President at CEO Michael Regino na ang UMID ATM Pay Card program ay mas accurate at nasa tamang panahon na makukuha ang benepisyo at loans ng mga miyembro.
“Currently, SSS is offering UMID ATM Pay Cards that are linked to a regular savings account, with the Union Bank of the Philippines (UBP) as the first participating bank. The UBP will also allow those with pending generic UMID cards for production to avail of this upgrade for free,” sabi ni Regino.
Ang SSS member na kukuha ng card ngayong taon ay tatanggap ng P200 Jollibee e-Gift Certificate at may tsansa na manalo ng Mitsubishi Xpander mula sa UBP oras na ma-activate ang kanilang account na may P1,000 deposit sa bangko. Ang promong ito ng UBP ay tatagal hanggang Pebrero 28, 2023.
Sa unang tatlong buwan ng 2023, ang Rizal Commercial Banking Corporation (RCBC) ay mag-iisyu na rin ng UMID ATM Pay Cards para sa SSS members. Isusulong din SSS ang partnership sa iba pang bangko para sa naturang pay card.
Hinikayat ng SSS ang lahat ng miyembro nito na mag-register sa My.SSS portal sa www.sss.gov.ph, at e-enroll ang updated contact information kasama na ang mobile numbers at email addresses para makatanggap ng mga mahahalagang impormasyon at updates tungkol sa UMID ATM Pay Card at ibang impormasyon mula sa SSS. (Daris Jose)
-
Task Force na sisilip sa mga nangyayaring pangungurakot sa lahat ng government offices
DAHIL na rin sa nakitang magandang resulta sa ginawang pagbuo ng Task Force PHILHEALTH ay nagpasiya si Pangulong Rodrigo Roa Duterte na magtatag ng Task Force na sisilip naman sa mga nagaganap na katiwalian sa lahat ng ahensiya ng pamahalaan. Sa katunayan ayon kay Presidential spokesperson Harry Roque ay kagyat na binigyan ng direktiba […]
-
PNP, 3 buwan ang deadline para sa pagsusumite ng listahan kay PBBM ng mga nagbitiw na police execs
TATLONG buwan ang ibinigay ng Philippine National Police (PNP) na deadline nito para magsumite kay Pangulong Ferdinand Marcos Jr. ng pinal na listahan ng courtesy resignation ng mga police officials. Sinabi ni Department of Interior and Local Government (DILG) Secretary Benhur Abalos Jr., na may 118 courtesy resignation na ang sinala ng PNP. […]
-
Lalabag sa back-riding policy, warning lang muna – HPG director
Warning muna ang ibibigay sa mga lalabag sa polisiya sa pag-angkas sa motorsiklo sa unang araw ng pagpapatupad nito. Sa panayam, iginiit ni Police Brigadier General Eliseo Cruz, PNP-Highway Patrol Group director na simula bukas, July 11 ay magsisimula na sila sa pag-aresto. “Pipilitin natin na lahat ng mga dokumento o patunay na sila ay […]