UP, NU ayaw bumitaw sa unahan
- Published on October 21, 2022
- by @peoplesbalita
PATULOY ang pagsososyo ng nagdedepensang University of the Philippines at National University sa liderato sa UAAP Season 85 men’s basketball tournament.
Ito ay matapos talunin ng UP ang University of the East, 84-77, at gibain ng NU ang De La Salle University, 80-76, para sa magkatulad nilang 5-1 record kahapon sa MOA Arena sa Pasay City.
Isang 15-3 bomba ang inihulog ng Fighting Maroons sa fourth quarter para itayo ang 69-58 kalamangan sa 6:13 minuto.
Ngunit naputol ito ng Red Warriors, may 3-3 marka ngayon, sa 77-80 agwat mula sa dalawang sunod na triples ni CJ Payawal at layup ni Nikko Paranada sa natitirang 15.3 segundo.
Tumipa naman si Steve Nash Enriquez ng 16 points, 3 rebounds at 2 assists para pamunuan ang pagsakmal ng Bulldogs sa Green Archers (3-3), habang kumolekta si John Lloyd Clemente ng 16 points at 10 boards.
“Hopefully coming to second round, improve pa,” ani coach Jeff Napa. “We have to take care like our next game against FEU.”
Ito ang ikatlong sunod na panalo ng NU na winakasan din ang kanilang 10-game losing skid sa La Salle simula noong 2015.
Nauna nang tinapos ng Bulldogs ang kanilang five-year slump sa Fighting Maroons.
Samantala, umiskor si Kai Ballungay ng season-high na 21 points para sa 76-55 pagdagit ng Ateneo Blue Eagles (4-2) sa Adamson Falcons (2-4).
-
Harden at Rockets hindi umubra kina LeBron, Davis
Inilampaso ng Los Angeles Lakers ang Oklahoma City Thunder, 120-102. Ito na ang ikalawang panalo ng defending champion mula sa 11 laro ngayong season. Ito rin ang ikaanim na panalo sa huling pitong mga laro. Nagpakitang gilas naman si Anthony Davis sa muling pagbabalik na may 27 points habang si LeBron James […]
-
DOH humingi ng karagdagang P3.6-B pondo para sa special risk allowance ng mga health workers
Humingi ng karagdagang P3.6 billion na pondo ang Department of Health (DOH) para sa special risk allowance (SRA) ng mga healthcare workers sa gitna ng COVID-19 pandemic, ayon kay Undersecretary Maria Rosario Vergeire. Ayon kay Vergeire, nag-request na ang DOH para rito noong Abril at hinihintay na lamang sa ngayona ng tugon dito […]
-
Makati LGU bibigyan ng trabaho ang mga jeepney drivers sa pagbubukas ng klase
Kukunin ng city government ng Makati ang ilang mga jeepney drivers ng lungsod na hindi nakapagpasada dahil sa coronavirus pandemic. Ayon kay Makati City Mayor Abby Binay, magiging katuwang ang mga jeepney drivers sa inilunsad nilang mobile learning hub ng lungsod. Makakasama nila ang mga guro at librarian na naglalayong matulungan ang mga mag-aaral […]