UTOL NG KAGAWAD KULONG SA DROGA
- Published on September 10, 2021
- by @peoplesbalita
BAGSAK sa kulungan ang kapatid ng isang barangay kagawad matapos makuhanan ng mahigit P40,000 halaga ng illegal na droga makaraang masita dahil walang suot na face mask sa Caloocan City, kamakalawa ng gabi.
Kinilala ni Caloocan City Police chief P/Col. Samuel Mina ang naarestong suspek na si Zandro Reyes, 48, construction worker ng Phase 2, Package 3, Barangay 176, Bagong Silang at kapatid ni Kagawad Sammy Reyes ng Brgy. 176.
Ani Col. Mina, dakong alas-7:40 ng gabi nang sitahin ang suspek ng nagpapatrolyang mga tauhan ng East Bagong Silang Police Sub-Station dahil walang suot na face mask habang naglalakad sa kahabaan ng Phase 2 Block 35.
Sa halip na sumunod, tinangkang tumakbo ng suspek para tumakas na naging dahilan upang habulin siya ng mga pulis hanggang sa makorner at maaresto.
Nang kapkapan, nakumpiska sa kanya ang isang medium size plastic sachet na naglalaman ng hinihinalang shabu na tinatayang nasa P41,000.00 ang halaga.
Nahaharap ang suspek sa kasong paglabag sa RA 9165 Comprehensive Dangerous Drugs Act of 2002. (Richard Mesa)
-
Next na Valdez, Santiago hahagilapin ng PNVFI
BUBUHAYIN ni Philippine National Volleyball Federation Inc. (PNVFI) President Ramon ‘Tats’ Suzara ang age-group indoor volleyball upang makatuklas ng mga susunod sa kasalukuyang mga sikat na balibolista. Ilan sa mga ito ang kagaya nina Premier Volleyball League (PVL) standout Alyssa Valdez, mag-ate na sina Philippine SuperLiga (PSL) veterans Alyja Daphne ‘Jaja’ Santiago at Aleona Denise […]
-
HEART, nagpainit sa social media nang i-upload ang branded one piece bikini na worth P40K
BUKOD sa nalalapit na lock-in taping ni Heart Evangelista ng GMA upcoming fashion-romantic-comedy series na I Left My Heart in Sorsogon, ay busy rin siya sa pagpapatayo ng sarili niyang beauty company. Ipinaalam niya ito sa kanyang mga fans and followers sa pamamagitan ng kanyang Instagram account. May mga nagtanong kay Heart na mga […]
-
Ginang kulong sa P200K droga sa Valenzuela
KALABOSO ang 58-anyos na ginang na sangkot umano sa pagtutulak ng iligal na droga matapos makuhanan ng mahigit P.2 milyong halaga ng shabu nang madakip ng pulisya sa ikinasang buy bust operation sa Valenzuela City. Sa ulat ni Valenzuela police chief P/Col. Nixon Cayaban Northern Police District (NPD) Director P/BGen. Rizalito Gapas, kinilala ang […]