Vaccinators isaisailalim sa re-orientation ng COVID-19 vaccines – DOH
- Published on July 5, 2021
- by @peoplesbalita
Isasailalim muli sa orientation ang mga healthcare workers na nagtuturok ng COVID-19, ayon sa Department of Health.
Tugon ito ng ahensya sa gitna ng mga report na may ilang vaccinators umano ang nagkamali sa pagtuturok ng bakuna.
“Ngayong araw mayroong isang malakihang re-orientation of protocols kung saan inimbitahan natin lahat ng mga pwedeng maka-attend na vaccinators,” ani Health Usec. Maria Rosario Vergeire.
“Ito ay para ma-refresh sila at they can be always aware of our existing protocols sa vaccination.”
Mula nang lumutang ang mga viral video, sinimulan na raw ng DOH ang pagsasailalim sa re-orientation ng mga bakunador.
Pinayuhan na rin ng ahensya ang vaccination sites na tiyaking may nakatalagang supervisor na nagbabantay sa proseso ng mga nagbabakuna.
“Yung ating inventories at each vaccination day para makita natin kung nagkukulang (dapat) nakakapag-imbentaryo ng one is to one, isang hiringilya sa isang tao at doses na naibigay natin sa kanila.”
Muli ring nanawagan si Vergeire sa mga lokal na opisyal na siguruhing may sapat na pahinga ang mga healthcare workers para hindi na maulit ang mga insidente ng maling pagbabakuna. (Daris Jose)
-
Abalos, hinikayat ang mga employers at manggagawa na magpabakuna na laban sa Covid-19
HINIKAYAT ni Metropolitan Manila Development Authority chairperson Benhur Abalos ang lahat ng mga employers at mga manggagawa na magpabakuna na laban sa COVID-19 lalo pa’t marami ng tao ng pinapayagang bumalik ng kanilang trabaho. Sa Laging Handa public briefing, binigyang diin ni Abalos ang kahalagahan na masiguro na ang lahat ng mga empleyado ay […]
-
IMMUNIZATION PROGRAM NG DOH KONTRA TIGDAS, IN-EXTEND HANGGANG MARSO 7
UPANG maabot ang target na population na 95%, pinalawig pa ng hanggang Marso 7 ang immunization program ng Department of Health (DOH) laban sa sakit na rubella, tigdas at oral polio vaccine Supplemental Immunization Activity (MR-OPV SIA). Inulat ng DOH na hanggang noong March 1, 2020, 83.7% o 4,269,423 ang nabakunahan laban sa tigdas […]
-
P2.8M ALLOWANCE NG MGA FRONTLINERS SA NAVOTAS
NAGLAAN ang Lokal na Pamahalaan ng Navotas ng P2.8 milyon para sa one-time special risk allowance (SRA) ng mga frontliners na humaharap sa laban kontra sa COVID-19 pandemic. Nasa 428 city employees, 187 mula sa City Health Office at 241 mula sa Navotas City Hospital, ang nakatanggap ng kanilang SRA. “Lubos kaming nagpapasalamat […]