2021 July 05 Archive - People's Balita

April 30, 2024
Search in People's Balita
Ang Diyaryong Pinagkakatiwalaan

Archive for July 5th, 2021

PDu30, kinuwestiyon ang “timing” ni Pacquiao sa pagbira sa kanyang administrasyon na may kinalaman sa korapsyon

Posted on: July 5th, 2021 by @peoplesbalita No Comments

HAYAGANG kinuwestiyon ni Pangulong Rodrigo Roa Duterte ang “timing” nang pagbubunyag ni Senador Manny Pacquiao hinggil sa malalang at laganap pa ring korapsyon sa pamahalaan.

Labis na ipinagtataka ng Pangulo ang matagal na panahon na pananahimik ni Pacquiao sa sinasabi nitong iregularidad sa ilang ahensiya ng pamahalaan lalo pa’t isa siyang mambabatas at public servant sa mahabang panahon.

“He has been with government for so long a time as a senator. My question to Pacquiao is: Bakit ngayon ka lang nagsalita ” ang tanong ni Pangulong Duterte sa isang panayam sa inagurasyon ng Light Rail Transit (LRT) Line 2 East Extension Project sa Antipolo Station.

Si Pacquiao ay nagsilbing Sarangani representative mula 2010 hanggang 2016 bago pa nahalal bilang Senador ng bansa.

Halata aniyang hindi na makapaghintay si Pacquiao sa kanyang magiging anunsyo kaugnay sa posibleng standard-bearer ng kanyang ruling party, ang Partido Demokratiko Pilipino-Lakas ng Bayan (PDP-Laban), sa 2022 national elections.

“Suddenly, he could not maybe wait for the announcement that PDP will go for him. Ayun, nagwala, nagsabi ‘corruption dito, corruption doon’ ayon sa Punong Ehekutibo.

Isa kasi si Pacquiao sa mga personalidad na kinukunsidera para sa posibleng presidential candidate ng PDP-Laban.

At nang hingan naman ang Pangulo ukol sa naging alegasyon ni Pacquiao laban sa DOH, siniguro ni Pangulong Duterte na ang lahat ng mga inakusahang opisyal ng pamahalaan ay magko-cooperate “100 percent.” kapag inimbestigahan.

“I will tell everybody that kung minention sila ni Pacquiao na may corruption , that they should cooperate 100 percent,” giit ng Pangulo.

Umugong naman ang pangalan ni Health Secretary Francisco Duque III matapos banggitin ni Pacquiao ang pangalan ng Kalihim na isa di umano sa kanyang tinutukoy.

Todo-depensa naman ang Pangulo sabay sabing pinaninindigan nito ang “competence at integrity” ng mga miyembro ng kanyang gabinete.

Kaya wala aniyang dahilan para sibakin sa puwesto si Duque.

“I do not see any problem with the Health secretary. Gusto nga nila paalisin. Sabi ko bigyan niyo ako ng rason para paalisin sa DOH. Wala akong nakitang kasalanan. Bakit niyo patanggalin,” ang pahayag ng Pangulo.

Bukod sa DoH, hinamon ng Pangulo na pangalanan pa ni Pacquiao ang iba pang corrupt-ridden government agencies.

“You know, when you are a champion in boxing, it does not mean to say that you are a champion in politics. So he is blabbering his mouth, tapos na . I am waiting for his word for the next department that he would choose to investigate,” ayon sa Chief Executive.

Ani Pangulong Duterte, isang malaking pasanin para kay Pacquiao, ang kilalanin at imbestigahan ang maraming corrupt officials.

Kaya naman, inaasahan ng Pangulo na hindi maga-absent si Pacquiao sa oras na magsimula na ang imbestigasyon laban sa mga ahensiya na inakusahan niya na sangkot sa corrupt activities.

“I expect him to sit in Congress, do not go anywhere, finish and find out the corruption that you are talking about. Magtrabaho ka, hiningi mo ‘yan, nandiyan ‘yong mga papel . Start investigating. Do not go elsewhere. Comply first with your duty as a senator.” giit ng Pangulo. (Daris Jose)

ALDEN, hesitant noong una pero nagustuhan ang kakaibang role sa bagong teleserye; sisimulan na ang movie pagbalik ni BEA

Posted on: July 5th, 2021 by @peoplesbalita No Comments

PAALIS na pala si new Kapuso actress Bea Alonzo para magbakasyon ng ilang araw sa USA.

Gusto raw munang mag-recharge ni Bea, dahil pagbalik niya sa bansa ay sisimulan na niya ang shooting ng movie nila ni Alden Richards na Pinoy adaption ng Korean film, ang A Moment To Remember, na co-production venture ng Viva Films, GMA Pictures at APT Entertainment.

After ng movie, isusunod na ni Bea ang isang GMA primetime teleserye. Ayon kay Bea, ready na ito, may leading man na siya at may casting na rin.

Kaya lamang kahit anong pilit kay Bea kung ano ang title ng teleserye, ang leading man niya at bubuo sa cast hindi pa niya pwedeng sabihin.

Sinabi na raw sa kanya ng GMA magkakaroon sila ng announcement sa pamamagitan ng isang media conference.

Nasa Los Angeles, California ngayon ang manager ni Bea, kaya malamang magkita sila roon at baka sabay na silang bumalik ng Pilipinas.

***

MAY pagka-gray ang character na gagampanan ni Alden Richards sa bago niyang teleserye sa GMA Network, ang The World Between Us, kaya medyo hesitant siya nang unang ikinuwento sa kanya ang magiging role niya.

Pero nang mabasa na niya ang script at nagkaroon na sila ng script reading, hindi na nagbago ang isip niya dahil matagal na niyang gustong makagawa naman ng project sa TV na hindi laging good boy ang character niya.

Ang nagawa pa lamang niyang iba ang character niya ay sa movie niyang The Road for GMA Films in 2011.

Sa TWBU, siya ay si Louie Asuncion, an intelligent orphan who will work his way up to prove that he can give the world to the woman he loves.

Ngayong gabi na ang world premiere ng seryeng dinidirek ni Dominic Zapata, kaya naman may pa-watch and win si Alden sa mga televiewers.

Wala silang gagawin kundi mag-selfie habang nanonood ng serye na nakikita sa TV ang ipinalalabas na first episode, at i-post ito sa inyong Twitter account with hashtag #TheWorldBetweenUs.

Three lucky winners will receive iPhone 12 Promax and one winner of LG OLED 55 inch. Alden will pick the names of the lucky winners na ipu-post niya sa kanyang social media accounts.

***

SUNDIN kaya ng GMA Network ang wish ng mga netizens na magkaroon ng Book 2 ang katatapos na romantic family series na First Yaya?

Marami agad nag-tweet nang matapos na ang episode na sana raw ay isunod kaagad pagkatapos ng The World Between Us na papalit na sa kanila simula ngayong, ang book 2 ng successful tv series.

Kaya napansin agad ng mga viewers sa last scene na supposedly ay honeymoon nila sa Maldiviano Ponte na nagkita na pala si President Glenn Acosta at ang domestic helper na si Melody, doon din sa lugar na iyon nang mawala niya ang favorite niyang fairy tale book na “The Dragon and the Princess” na si Glenn ang nakapulot at naisoli sa kanyang address doon.

At sa huling eksena nina Gabby Concepcion at Sanya Lopez, nag-iwan ang show ng “Sa Muling Pagkikita…..”

(NORA V. CALDERON)

DSWD, may nakahanda ng tulong bilang paghahanda sa pagputok ng Bulkang Taal -PDu30

Posted on: July 5th, 2021 by @peoplesbalita No Comments

TINIYAK ni Pangulong Rodrigo Roa Duterte na mayroon nang nakahandang tulong ang social welfare department sa warehouse nito bilang paghahanda sa pagputok ng Bulkang Taal.

“‘Pag pumutok ‘yang Taal, meron na doon, naka i-station na ang mga tulong nila,” ang pagtiyak ni Pangulong Duterte sa isang panayam sa isinagawang inagurasyon ng Light Rail Transit (LRT) Line 2 East Extension Project sa Antipolo Station.

“It could get worse. But I said, there will be instant gratification because there are workers on the ground ready. Iyan ang gusto ko sa military, methodical ang ano nila. And the rest are also good,” ayon sa Pangulo.

At sa tanong kung kinakailangan pang magsagawa ng command conference sa bagay na ito ay ang naging tugon ng Pangulo ay “Not necessarily.”

“Hindi ko malaman kung, dumaan man kami kanina, konti lang. Siguro lagyan ko lang ng cap, yung butas. Taal na yan,” anito.

At nang hingan ang Pangulo ng reminder para sa publiko ay sinabi nito na “There is always an exigency measure of government.”

“Anong pangyayari, nandyan sina [Metropolitan Manila Development Authority Chairman] Atty. [Benhur] Abalos. Kanila ‘yan,” ayon sa Pangulo.

“Iyong ibang trabahante ko, hindi ko nakita, baka nahulog na doon sa butas. I was expecting to see them here,” dagdag na pahayag nito.

Ang pamahalaan aniya ay maaaring “raise the alert on the level that it should.”

“Now, it’s just a rumbling and it’s spewing, I don’t know if it’s really the ashes. Apektado daw tayo. But it’s not really a grave concern for us at this time. Maybe it will degenerate into something bad. By that time, we will know,” anito. (Daris Jose)

TOM at ZENDAYA, nadi-date na at nahuling naghahalikan sa loob ng kotse kaya nag-trending ang #Tomdaya

Posted on: July 5th, 2021 by @peoplesbalita No Comments

NAG-TRENDING sa social media ang #Tomdaya dahil sa pagkumpirmang nagde-date na ang Spider-Man star na si Tom Holland at ang co-star niya na si Zendaya.

Namataan sina Tom at Zendaya na naghahalikan sa loob ng Audi sports car sa Los Angeles. Ang photographer na nakakuha ng photo ay natiyempuhan ng laplapan ng dalawa habang naka-stop sila sa red light sa Silver Lake neighborhood kunsaan nakatira ang mother ni Zendaya.

Nakita rin na lumabas ng bahay nila si Zendaya kasama si Tom. No makeup si Zendaya at suot ay white crop top and turquoise jeans. Si Tom naman ay suot ang “Captain America: Civil War” white T-shirt, blue flannel shirt, black shorts and white sneakers.

Simula noong magkasama sa 2017 Marvel film na Spider-Man: Homecoming sina Tom at Zendaya, nabalita na sikreto silang nagde-date.

“They’ve been super careful to keep it private and out of the public eye, but they’ve gone on vacations with each other and try and spend as much time as possible with one another,” sey ng source ng People magazine.

Panay ang deny ng dalawa sa rumor na iyon dahil may girlfriend that time si Tom na nagngangalang Olivia Bolton. Si Zendaya naman ay dine-date noon ang co-star niya sa HBO series na Euphoria, ang Australian actor na si Jacob Elordi.

Pero nag-break na raw sina Tom at Olivia noong April 2020. Si Zendaya naman ay break na rin kay Jacob since March 2020.

Katatapos lang i-shoot ng Tomdaya ang third Spider-Man movie na Spider-Man: No Way Home na may playdate na sa December 2021.

***

SA mga hindi nakakaalam, ang kauna-unahang ka-loveteam si Bea Alonzo ay si Kapuso Drama King Dennis Trillo.

Pinagtambal sila noon sa teen series na K2BU noong 2002 sa ABS-CBN. Kaka-launch lang noon ng Star Circle Batch 10 kunsaan kabilang sina Bea at Dennis.

Ka-batch din nila ang mga naging Kapuso din na sina Alfred Vargas, Nadine Samonte, TJ Trinidad,at Karel Marquez.

Sey ni Bea: “Ito trivia, ang first love team ko ay si Dennis Trillo. Siyempre mga bagets pa kami nu’n kasi ka-batch ko siya when we were launched.

“This time, gusto ko siyang makatrabaho now that we’re mature and we’re adults, and napapanood ko rin siya dati sa teleseryes niya.”

Bukod kina Dennis, gusto rin makatratabaho ni Bea ang girlfriend nitong si Jennylyn Mercado. Pati na sina Dingdong Dantes, Marian Rivera, Lovi Poe at Solenn Heusaff.

“Even the younger ones, like sina Gabbi (Garcia), sina Julie Anne (San Jose), si Ruru (Madrid), I look forward to working with all of them,” dagdag ni Bea.

Hindi lang daw teleserye ang nais niyang gawin sa bago niyang tahanan sa GMA: “To be honest, I am ready to chase more dreams, not only with acting, and this time I feel like I want to discover more about myself, say I would like to explore the idea of probably having a talk show, or like appearing on say, sitcoms.”

***

NAGING emosyonal si Kapuso actress Jasmine Curtis-Smith matapos mapanood ang surprise video message mu la sa kaniyang Mommy Carmen na naka-base ngayon sa Australia.

Parte ito ng naganap na FunCon na inorganisa ng GMA Pinoy TV nitong June 30. Nakasama ni Jasmine rito ang kaniyang co-stars na sina Alden Richards at Tom Rodriguez ng highly-anticipated primetime series na The World Between Us.

“I miss my mom so much. We haven’t spoken kasi in like two weeks so thank you for that surprise. Like it’s making everything so worth it and I miss her so much.”

Sa naturang video message ay inila rawan ni Mommy Carmen ang anak na si Jasmine, “Very friendly siya and very loving daughter, ganyan, [and] mahilig siya kumain ng Pinoy food – beef steak, adobo, ganun.”

Dagdag pa ng kaniyang ina, “Keep smiling and ‘wag kang masyadong mag-isip sa ngayon dahil I know that you’re always worried na hindi tayo nagkikita but I always love you.”

Samantala, makakasama rin nila sa serye sina Dina Bonnevie, Jaclyn Jose, Sid Lucero, Kelley Day, at Yana Asistio.

‘Wag palagpasin ang world premiere ng The World Between Us ngayong gabi (July 5) na sa GMA-7 at GMA Pinoy TV.

(RUEL MENDOZA)

Ads July 5, 2021

Posted on: July 5th, 2021 by @peoplesbalita No Comments

Vaccinators isaisailalim sa re-orientation ng COVID-19 vaccines – DOH

Posted on: July 5th, 2021 by @peoplesbalita No Comments

Isasailalim muli sa orientation ang mga healthcare workers na nagtuturok ng COVID-19, ayon sa Department of Health.

Tugon ito ng ahensya sa gitna ng mga report na may ilang vaccinators umano ang nagkamali sa pagtuturok ng bakuna.

“Ngayong araw mayroong isang malakihang re-orientation of protocols kung saan inimbitahan natin lahat ng mga pwedeng maka-attend na vaccinators,” ani Health Usec. Maria Rosario Vergeire.

“Ito ay para ma-refresh sila at they can be always aware of our existing protocols sa vaccination.”

Mula nang lumutang ang mga viral video, sinimulan na raw ng DOH ang pagsasailalim sa re-orientation ng mga bakunador.

Pinayuhan na rin ng ahensya ang vaccination sites na tiyaking may nakatalagang supervisor na nagbabantay sa proseso ng mga nagbabakuna.

“Yung ating inventories at each vaccination day para makita natin kung nagkukulang (dapat) nakakapag-imbentaryo ng one is to one, isang hiringilya sa isang tao at doses na naibigay natin sa kanila.”

Muli ring nanawagan si Vergeire sa mga lokal na opisyal na siguruhing may sapat na pahinga ang mga healthcare workers para hindi na maulit ang mga insidente ng maling pagbabakuna. (Daris Jose)

18-anyos at 8 minors na mga babae, narescue sa human trafficking sa Caloocan

Posted on: July 5th, 2021 by @peoplesbalita No Comments

NAILIGTAS ng mga tauhan ng Northern Police District (NPD) ang siyam na kabataang babae, walo sa mga ito ay mga menor-de-edad sa isang entrapment at rescue operations kontra sa online sexual exploitation at human trafficking sa Caloocan city.

Ayon kay District Special Operation Unit (DSOU) chief P/Col. Jay Dimaandal, ang operation ay nagmula sa impormasyon na natanggap ni P/Lt. Melito Pabon hinggil sa umano’y laganap na online sexual exploitation ng mga menor-de-edad sa North Caloocan.

Matapos mapatunayan ang ulat, kaagad isinagawa ng pinagsamang mga tauhan ng DSOU, NPD Women and Children’s Protection Desk (WCPD) sa pamumuno ni P/Maj. Vicky Tamayo, Sub-Station 9 commander P/Maj. Harold Melgar, team mula sa Department of Justice-Inter-Agency Council Against Trafficking (DOJ-IACAT) at City Social Welfare and Development ang rescue operation sa Blk 41, Lot 22 Road 14, Congress Village Taas, Brgy. 173 dakong alas-6 ng gabi.

Nagawang marescue ng team sa pangunguna ni PLT Pabon ang walong kabataang babae na edad 12 hanggang 17 at isang 18-anyos na dalaga na ginagamit umanong sexually exploitation sa pamamagitan online.

Naaresto din ng mga pulis ang mga hinihinalang mga bugaw na kinilalang si John Mico Atendido, 21, Chris Jayson Magbanua, 18, kapwa ng Block 25, Lot 5 Package 5 Brgy. 176 Bagong Silang at isang 17-anyos na binatilyo.

Ayon kay NPD Director P/BGen. Jose Santiago Hidalgo, ang mga naarestong suspek ay iprisinta sa inquest proceedings sa Caloocan City Prosecutor’s Office para sa kasong paglabag sa R.A 9208 as amended by R.A 10364 otherwise known as Expanded Anti Trafficking of Persons Act of 2012. (Richard Mesa)

SHARON, aminadong na-shock sa pinagsasabi at pinaggagawa sa ‘Revirginized’; mas hahangaan ayon kay Direk DARRYL

Posted on: July 5th, 2021 by @peoplesbalita No Comments

NAGBABALA si Megastar Sharon Cuneta sa kanyang FB at IG post sa paglabas ng official trailer ng Revirginized noong Linggo nang gabi, July 4, na ‘wag itong panoorin ng mga bata dahil talaga namang nakaka-shock ang mga ginawa niya sa pagbabalik-Viva Films.

Panimula ni ni Mega, “(Important: BAWAL PO MANOOD ANG MGA BATA!) Hi, everyone! I just KNOW that my role of Carmela in this movie, and THIS TRAILER, and THE MOVIE as a whole, WILL SHOCK YOU.

“Please remember that it is just a movie, just another role that is VERY, VERY DIFFERENT from ALL THE OTHER ROLES you have seen me play. And this movie is the opposite of ALL the movies you have ever seen me in!”

Pakiusap pa niya, “Please broaden your mind, enjoy it, and I sincerely hope you watch it on Vivamax starting August 6! It’s gonna be a rollercoaster of a ride, because maninibago po kayong lahat sa akin dito.

“YOU HAVE NEVER SEEN OR HEARD DIALOGUE FROM ME LIKE YOU WILL IN THIS MOVIE. Please just have fun with it and do not forget that I have earned the right to try out new roles and take on new challenges after 43 years as a singer-actress. Thank you so much. I love you all and am proud of this movie.”

“Don’t worry – I am still the same “Sharon” who will still be doing the kind of movies you have loved seeing me in! It’s just that once in a while, please allow me to be different – at least on the screen. I am, after all, an actor. And doing all kinds of roles is part of my job! Thanks so much!,” sabi pa niya.

Dagdag pa ni Mega, “And PREPARE YOURSELVES, PLEASE! Upo lang po at kapit sa upuan! Kung ako nga nashock – pero inenjoy ko naman po – sa pinagsasabi at pinaggagawa ko sa movie na ito, kayo pa kaya?! Love you all! God bless us all, always! @vincentimentsofficial @direkdarrylyap @therealrosannaroces @gumabaomarco.”

Infairness, ang ganda ng trailer na unang pinost ni Direk Darryl Yap, kakaiba talaga sa mga nagawa ni Sharon na agad umani ng 1 million views in 3 hours.

Isang araw bago ang inilabas ang trailer, nag-post naman si Direk Darryl tungkol sa ginawa niyang pelikula kasama ang nag-iisang Megastar na kanyang ipinagmamalaki.

“HINDI PARA SA MGA SHARONIANS.” panimula ng direktor.

“Sa mga pelikulang halos umabot na sa isang daan; ngayon nyo lang mararanasan si Sharon Cuneta sa ganitong sandali.

“Hinila ko mula sa pedestal ang #Megastar at inilapit sa realidad ng mga kabataan ngayon, inilublob namin siya sa mga bagay na ngayon lang din nya naranasan hanggang maging si Carmela na siya at hindi si Sharon.”

Pahayag pa niya, “hindi ko ipinagmamalaking ako ang unang direktor na nagpaBodyShot sa kanya, Beer pong, Vape atbp.

“Ang ipinagmamalaki ko, ay ang tiwalang ipinagkaloob niya sa akin, na bihira na lang nyang binibitawan sa panahon ngayon.

“At ang tiwalang iyon ay nasulit nang ipapanood ko sa kanya ang trailer na hindi siya makapaniwalang nagawa niya.

“Ang Pelikulang #REVIRGINZED ay hindi lamang para makapagbigay ng lakas sa kababaihan at magmulat sa mga nakatatanda at kabataan kung bakit noon “nag-iinuman kapag may kasiyahan” at ngayon, madalas— “nag-iinuman dahil malungkot”.

Sabi pa ni Direk Darryl na kitang-kita ang labis na paghanga sa kahusayan ni Sharon, “sa mga #Sharonians, ikinalulungkot ko, pero hindi para sa inyo ang pelikulang ito— DAHIL ALAM KONG KAHIT ANONG GAWIN NI SHARON ay mahal na mahal nyo na sya.

“ANG PELIKULANG ITO AY PARA SA MGA HINDI PA SHARONIAN na ngayon pa lamang bibilib at maniniwala sa galing, husay at kalidad na tanging sa isang SHARON CUNETA lamang magmumula.

“At doon, mabubuo ang mga tagahanga ni Sharon, mula noon hanggang sa mga susunod na henerasyon.

“Huwag mong palalagpasin ang

#REVIRGINIZED TRAILER – JULY 4 • 7pm.”

Kahanga-hanga rin ang movie poster na likha ni Luiz Clet, maganda at pinag-isipan talaga.

May paliwanag si Direk Darryl sa mga detalye, ayon sa ‘mega mind’ ng direktor:

“ang transformation ng isang paru-paro

ang mabagal na pagmomove-on ng pagong

ang nakakagising at nakakatangay na alon

ang araw na laging nangangako ng bagong pagkakataon.

“ang opisyal na pampelikulang paskil ng isa sa mga pinakamahalagang sandali ng aking karera.

“Sharon Cuneta is #REVIRGINIZED.”

(ROHN ROMULO)

‘Clifford the Big Red Dog’, Will Teach The World How To Love Big, First Trailer Reveals

Posted on: July 5th, 2021 by @peoplesbalita No Comments

PARAMOUNT Pictures has released the first trailer for Clifford the Big Red Dog, which brings the classic book character to life on the big screen for the first time.

Check out the trailer below: https://www.youtube.com/watch?v=4zH5iYM4wJo

Clifford the Big Red Dog is based on the Scholastic book series of the same name by Norman Bridwell.

In the original books, Clifford’s big size wasn’t the product of a strange chemical accident or a genetic abnormality he literally grew to the size he became all because of the love of the little girl who owned him.

That seems to be the premise that the movie is sticking to as well based on the trailer, where Clifford’s new owner Emily Elizabeth (Darby Camp) finds herself the recipient of bullying and makes a wish on her new dog to grow big and strong. When she wakes up the next morning, Clifford is now a big red pup, and of course, wacky antics and adventures ensue.

In addition to Camp, the film stars Jack Whitehall, Tony Hale, Sienna Guillory, David Alan Grier, Russell Wong, and John Cleese.

Directed by Walt Becker with screenplay by Jay Scherick & David Ronn and Blaise Hemingway and screen story by Justin Malen and Ellen Rapoport.

The film is produced by Jordan Kerner, p.g.a., and Iole Lucchese, with executive producers Brian Oliver, Bradley J. Fischer, Valerii An, Brian Bell, Caitlin Friedman, Deborah Forte, and Lisa Crnic.

Here’s the official synopsis for Clifford the Big Red Dog: When middle-schooler Emily Elizabeth (Darby Camp) meets a magical animal rescuer (John Cleese) who gifts her a little, red puppy, she never anticipated waking up to find a giant ten-foot hound in her small New York City apartment.

While her single mom (Sienna Guillory) is away for business, Emily and her fun but impulsive uncle Casey (Jack Whitehall) set out on an adventure that will keep you on the edge-of-your-seat as our heroes take a bite out of the Big Apple.

Based on the beloved Scholastic book character, Clifford will teach the world how to love big!

Clifford the Big Red Dog will officially be coming to theaters on September 17. (source: collider.com)

(ROHN ROMULO)

Pacquiao may ‘pasabog’ bago lumipad pa-Amerika

Posted on: July 5th, 2021 by @peoplesbalita No Comments

Bago magtungo sa Amerika para ituloy ang pagsasanay sa boksing, may pasabog muna si Sen. Manny Pacquiao laban sa administrasyong Duterte.

Ayon kay Sen. Panfilo Lacson, na ibinahagi sa kanila ni Senate President Tito Sotto ang pahayag ni Pacquiao na may ibubunyag sa media sa Sabado tungkol sa umano’y korupsyon sa pamahalaan.

Dahil sa kumpleto umano sa ebidensiya si Pacquiao kaya desidido ito na ibunyag ang katiwaliang nalalaman.

Sinabi pa umano ni Pacquiao na hindi siya magsasalita kung walang hawak na ebidensya.

Pinagsabihan din umano ni Pacquiao si Lacson at Senate president Vicente Sotto III na marami siyang bala laban sa administrasyon.Si Pacquiao ay magtutungo sa Amerika ngayong weekend para paghandaan ang laban kay Errol Spence Jr. sa August 21 sa Las Vegas, Nevada. (Daris Jose)