Valenzuela City, nakatanggap ng road lot donations

NAKATANGGAP ang Pamahalaang Lungsod ng Valenzuela ng road lot donations mula sa Don Tino Realty & Development Corp. at We Enterprises & Contractors, Inc. kung saan mismong si Mayor WES Gatchalian ang tumanggap ng Transfer Certificate of Title ng nasabing mga lote sa ginanap na turnover ceremony.

Ayon kay Mayor Wes, ang nasabing mga lote ay magsisilbing karagdagang mga lupain para magamit sa road development sa Barangay Marulas at Coloong.

Ang naturang road land donations ay orihinal na pagmamay-ari ng mga nabanggit na corporations para sa kanilang housing projects na Villa Dulalia Fatima Homes, Wellington Homes, at Willshire Homes na matatagpuan sa Barangays Marulas at Coloong.

2,743 square meters mula sa Villa Dulalia Fatima Homes, at 2,317 square meters mula sa Willshire Homes, habang 1,631 square meters naman mula Wellington Homes ang mga parcel ng road lands na binigay sa Valenzuela LGU sa bisa ng Resolution Nos. 2316, 2317, at 2318, respectively.

Noong December 6, 2021, ipinasa ng City Council ang Resolution Nos. 2316, 2317, and 2318, Series of 2021, na nagpapahintulot sa alkalde ng lungsod na tanggapin ang mga road donations mula sa nasabing mga pribadong corporations.

Samantala, nagbigay naman ang pamahalaang lungsod ng plaques of appreciation sa Don Tino Realty & Development Corp. at WE Enterprises & Contractors, Inc. bilang pasasalamat sa kanilang bukas-palad na donasyon ng land parcels.

Kasama ni Mayor WES sa turnover ng donation titles si Vice Mayor Lorie Natividad-Borja, City Council, WE Enterprises and Contractors, Inc. Vice President Marvin Gan, Don Tino Realty & Development Corp. Chairman Florentino Dulalia, President Jexter Dulalia, at kanilang mga team. (Richard Mesa)