Valenzuela LGU, pinasinayaan ang bagong gusali ng PLV-CPAG

BILANG bahagi ng pagdiriwang ng ika-401st Founding Anniversary ng Valenzuela City, pinasinayaan ng Pamahalaang Lungsod sa pamumuno ni Mayor WES Gatchalian ang bagong gusali ng sa Pamantasan ng Lungsod ng Valenzuela (PLV)-College of Public Administration and Governance (CPAG).

Ang makabagong gusali ng CPAG ay matatagpuan sa dating pangunahing gusali ng PLV, na may kabuuang lugar na 1,246 metro kuwadrado. Ang 255 Million, 8-storey building ay naglalaman ng 25 classrooms, 2 computer laboratories, lecture hall, moot court, library, dean’s office, 2 faculty rooms, clinic, multi-purpose room, at iba pa.

Sa kanyang mensahi, sinabi ni Mayor WES “Ang bagong gusali ay higit pa sa bato at bakal… Ito ay isang patunay ng aming dedikasyon sa pamumuhunan sa isip, puso, at kinabukasan ng mga mag-aaral na lalakad sa mga bulwagan na ito…. Binubuksan namin ang mga pinto sa isang legacy, isang kinabukasan na binuo sa mga halaga ng pamumuno, disiplina, transparency, at mabuting pamamahala”.

Kinilala rin ng alkalde si Senator WIN Gatchalian sa pagsuporta at pagtulong sa lungsod sa pagpopondo sa gusali ng PLV-CPAG.

Sa kabilang banda, binati ng panauhing pandangal na si dating DILG Secretary Benhur Abalos ang Valenzuela sa pagbibigay prayoridad sa edukasyon at binanggit din niya na ang benchmark ng good governance ay nasa Valenzuela City.

Ang PLV ay binuksan bilang isang pampublikong paaralang tersiyaryo na pinondohan ng lungsod noong 2002, at kasalukuyang ipinagdiriwang ang ika-22 anibersaryo ng pagkakatatag nito.

Nagsimula sa 450 na mga mag-aaral lamang, ang PLV ay mayroon na ngayon 12,000 mga mag-aaral at 572 dito ay nag-aaral ng Bachelor of Science in Public Administration.

Sa katunayan, isang world-class na unibersidad na may mataas na mapagkumpitensyang mga mag-aaral, ang PLV ay isa ring tahanan ng mga licensure exam topnotchers and achievers.

Kamakailan, nakakuha ang PLV Social Workers ng 100% institutional passing rate para sa 2024 Licensure Examination for Social Workers.

Dumalo rin sa event sina Vice Mayor Lorie Natividad Borja, 2nd District Congressman Eric Martinez, City Councilors, DILG – Valenzuela Director Sudi Valencia, PLV President Dr. Nedeña Torralba, at PLV-CPAG Dean Dr. Michville Rivera. (Richard Mesa)