• May 26, 2024
  • Ang Diyaryong Pinagkakatiwalaan

Wala kaming bayaran sa socmed laban kay VP Robredo – Andanar

MARIING itinanggi ni Presidential Communications Secretary Martin Andanar na kumuha ng mga troll o bayarang vlogger o manunulat sa social media ang administrasyong Duterte para atakehin o siraan si Vice President Leni Robredo.

 

Tugon ito ni Andanar sa bintang ng kampo ni Robredo na mababa ang performance at trust rating ng Vice President dahil sa mga atake o paninira rito sa social media.

 

Paliwanag ni Andanar, independiyente o nagsasarili ang mga kritiko at inilalayo ng PCOO ang administrasyong Duterte sa mga ito upang hindi maimpluwensyahan sa paglalabas ng kanilang mga pananaw sa anomang isyu, lalo na sa na sa mga kontrobersya na may kinalaman kina Duterte at Robredo.

 

Dagdag ni Andanar, pareho lang din sina Robredo at Pang. Rodrigo Duterte na sinisiraan, inaatake at ginagawan ng fake news sa social media.

 

Hindi rin gawain ng administrasyon ang gumamit ng mga bayaran sa socmed para lang isulong ang pagkahati-hati ng lipunan, pahayag pa ni Andanar.

 

Nauna rito, sinabi ni Barry Gutierrez, spokesman ni Robredo, na mas mababa ang gradong natamo ng huli sa usaping performance at trust rating sa Pulse Asia survey kaysa sa tatlong pinakamatataas na opisyal ng bansa dahil sa mga pag-atake at paninira ng mga troll ng administrasyong Duterte.

 

Reklamo pa ni Gutierres, higit na mas malakas umano ang gamit sa komunikasyon ng Malakanyang kaysa sa gamit ng opisina ni Robredo kaya hirap silang bakahin ang mga atake, paninira at pagpapakalat ng fake news ng mga troll.

 

Buwelta naman ni Andanar na pareho lang ang kakayahan sa komunikasyo ang Malakanyang at Office of the Vice President.

 

Matatandaang sumirit sa 91 porsyento ang pag-apruba ng mga mamamayan sa gawain at pagtitiwala ng mga ito kay Pang. Duterte samantalang 57 ang pag-apruba kay Robredo at halos malaglag ang pagtitiwala sa kanya sa gradong 50.

 

Naungusan pa si Robredo nina Senate President Vicente Sotto III na nakakuha ng gradong 84 at Speaker Alan Pe- ter Cayetano ng gradong 70 sa pag-apruba at sa pagtitiwala, may gradong 79 si Sotto habang 67 naman ang kay Cayetano.

 

Tanging si Chief Justice Diosdado Peralta na may gradong 44 sa pag-apruba at 39 sa pagtitiwala dahil hindi siya gaanong kilala ng mga mamamayan ang naungusan ni Robredo.

Other News
  • Binash dahil nag-react din sa viral statement ni Ella: GISELLE, tinawag na ‘tanga’ ang mga nag-discredit sa People Power experience niya

    NAG-REACT din pala ang host/actress na si Giselle Tongi sa viral and controversial statement ni Ella Cruz na “History is like tsismis”.     Si Ella nga ang gumaganap bilang Irene Marcos sa pelikulang “Maid in Malañanang” ni Darryl Yap para sa Viva Films na ipalalabas this month na kung saan tungkol ito sa last […]

  • Jesus; Matthew 6:33

    Seek first the kingdom of God.

  • Jeepney drivers nagbabala na hihinto ng operasyon

    NAGBIGAY ng babala ang mga jeepney drivers na sila ay hihinto sa kanilang operasyon ngayon linggo upang iprotesta ang tumataas na presyo ng krudo at iba pang produktong gasolina.       Ayon sa Pagkakaisa ng mga Samahan ng Tsuper at Operators Nationwide (Piston) na ang mga miyembre na kasama sa kanilang asosasyon ay umaangal […]