Walang dapat ikabahala ang mga PhilHealth employees sa ‘abolition threat’ ni Duterte – Palasyo

PINAWI ng Malacañang ang pangamba ng mga kawani ng Philippine Health Insurance Corporation (PhilHealth) kaugnay sa naging pahayag ni Pangulong Rodrigo Duterte na planong pagbuwag sa health insurer kung hindi matuldukan ang korupsyon doon.

Sinabi ni Presidential Spokes- man Harry Roque, kilala naman ni Pangulong Duterte kung sino ang mga bulok sa tanggapan at kung sino ang mga makakasuhan.

Ayon kay Sec. Roque, alam din ni Pangulong Duterte na mayroon pa ring mga mabubuti at matitinong empleyado sa PhilHealth at wala dapat ipag-alala ang mga ito.

Magugunitang binigyan ng hanggang Disyembre si PhilHealth President/CEO Dante Gierran para linisin ang tanggapan kung hindi ito maisakatuparan sa itinakdang panahon ay saka bubuwagin ni Pangulong Duterte ang kanilang hanay.