WBN Fighter of the Year trophy nakuha na ni Pacquiao
- Published on November 25, 2020
- by @peoplesbalita
Natanggap na ni eight-division world champion Manny Pacquiao ang Fighter of the Year award nito na iginawad ng World Boxing News (WBN).
Ibinigay kay Pacquiao ang naturang parangal matapos ang matagumpay na kampanya nito noong nakaraang taon kung saan dalawang impresibong panalo ang kanyang naitala.
Nakuha ni Pacquiao ang unanimous decision win kay Adrien Broner noong Enero sa MGM Grand Garden Arena para mapanatili ang World Boxing Association (regular) welterweight crown.
Muling sumalang si Pacquiao noong Hulyo kung saan kinubra nito ang split decision win kontra kay Keith Thurman para maagaw ang WBA (super) welterweight belt sa parehong venue.
Ito ang ang naging matibay na batayan ng WBN para ibigay kay Pacquiao ang pinakamataas na parangal para sa taong 2019.
Nakapost sa official website ng WBN ang larawan kung saan hawak na ni Pacquiao ang tropeo ng 2019 Fighter of the Year.
Naantala ang pagdating nito sa Pilipinas dahil sa epekto ng coronavirus disease (COVID-19) pandemic.
Ngunit inaasahang magbabalik-aksyon si Pacquiao sa susunod na taon kung saan nakahilera na ang mga boksingerong nais makasagupa ang Pinoy boxing legend kabilang na sina Errol Spence, Terence Crawford, Mikey Garcia at Danny Garcia.
Pinakamalakas ang tsansa ni Ultimate Fighting Championship superstar Conor McGregor matapos kumpirmahin ng Paradigm Sports Management na ikinakasa na ang laban nito kay Pacquiao.
Nauna nang napaulat na target itong ganapin sa Middle East.
Subalit nilinaw ni Pacquiao na papayag lamang ito kung magiging co-promoter ang kanyang Pac Sports and Entertainment agency.
-
Maayos at mapayapa ang paghahain ng kandidatura para sa midterm polls… COC filing umarangkada, pero matumal pa
UMARANGKADA na October 1, Martes ang filing ng Certificates of Candidacy (COC) para sa nalalapit na May 2025 National and Local Elections (NLE) sa bansa. Ayon kay Comelec Chairman George Erwin Garcia, base sa isinagawa nilang monitoring sa sitwasyon ay naging maayos at mapayapa naman ang unang araw ng paghahain ng kandidatura para […]
-
Kahit kinikilala ng MTRCB ang constructive criticism: Nakaaalarmang pagbabanta kay Chair LALA, mariing kinokondena
NAGING target ng nakaaalarmang online attacks ang Chairperson ng Movie and Television Review and Classification Board (MTRCB) na si Lala Sotto. Ang mga netizens ay pumunta sa opisyal na mga pahina ng social media ng MTRCB upang ipahayag ang kanilang mga hinaing sa hindi naaangkop at nakapipinsalang paraan, na nagdulot ng malubhang alalahanin tungkol sa […]
-
2 wanted sa droga sa Navotas at Valenzuela, timbog sa manhunt ops
NALAMBAT ng pulisya ang dalawang lalaki na kapwa wanted sa kaso na may kinalaman sa illegal na droga sa magkahiwalay na manhunt operation sa Navotas at Valenzuela City. Ayon kay Navotas police chief P/Col. Mario Cortes, dakong alas-10:00 ng gabi nang maaresto ng mga tauhan ng Warrant and Subpoena Section (WSS) ng Navotas […]