Welder kulong sa ice pick at shabu sa Valenzuela
- Published on November 3, 2022
- by @peoplesbalita
NABISTO ang dalang shabu ng isang 43-anyos na welder matapos masita ng mga pulis dahil sa bitbit nitong isang improvised ice pick sa Valenzuela City.
Nahaharap sa kasong pagpabag sa Article 151 of RPC, PB6 at RA 9165 ang naarestong suspek na kinilalang si Malvin Malatamban ng Phase 2 Hambord St. Brgy. Lawa Meycauyan, Bulacan.
Sa kanyang report kay Valenzuela police Chief Col. Salvador Destura Jr, sinabi ni PSSg Carlos Erasquin Jr, habang naka-duty sina PSMS Roberto Santillan at Pat Leonardo Quimson, kapwa ng Sub-Station 6 ng Valenzuela police sa Valenzuela Memorial Cemetery nang maispatan nila ang suspek na naglalakad sa C. Molina St. Brgy. Veinte Reales dakong alas-5 ng hapon at may hawak na improvised ice pick.
Nilapitan siya at sinita ng dalawa saka nagpakilalang mga pulis at nang aarestuhin na ang suspek dahil sa dalang deadly weapon ay pumalag ito at kumaripas ng takbo.
Hinabol siya ng mga pulis hanggang sa makorner at maaresto kung saan nakumpiska sa kanya ang naturang ice pick at nang kapkapan ay nakuha pa sa kanya ni PSMS Santillan ang isang heat sealed transparent plastic sachet na naglalaman ng abot isang gramo ng hinihinalang shabu na nasa P6,800 ang halaga. (Richard Mesa)
-
DOTr: Pagsuot ng face mask mandatory pa rin sa rail lines
PINAYUHAN ang publiko ng Department of Transportation (DOTr) na mandatory pa rin ang paggamit at pag-suot ng face mask sa lahat ng Istasyon at facilities ng rail lines sa Metro Manila. Ito ang paalala ng DOTr sa mga pasahero ng Light Rail Lines 1&2 at Metro Rail Transit Line 3 (MRT3) at […]
-
NLEX toll rates muling tataas
PINAYAGAN ng Toll Regulatory Board (TRB) ng Department of Transportation (DOTr) na magkaroon ng rate adjustment sa North Luzon Expressway (NLEX). “We have authorized the imple-mentation of an additional P7 in the open system and P0.36 per kilometer in the closed system starting June 15,” wika ng TRB. Ang […]
-
DATING OPISYAL NG BIR SINAMPAHAN NG KASO NG NBI
NAGHAIN ng apat na kaso ang National Bureau of Investigation (NBI) laban sa opisyal ng Bureau of Internal Revenue (BIR) . Binanggit ni NBI Regional Director Moises Tamayo ang respondent sa kaso bilang Revenue Officer IV na si Flora Albao ng BIR’s Revnue District Office-93A (RDO-93A). Sinabi ni Tamayo na ang […]