Zero COVID-19 positive itinala ng NBA
- Published on July 31, 2020
- by @peoplesbalita
Ibinunyag ng National Basketball Association (NBA) na walang nagpositibo sa coronavirus disease 2019 (COVID-19) sa kanilang pinakahuling testing bago ang opisyal na restart ng liga sa Walt Disney World sa Orlando, Florida.
Dumating ang mga manlalaro sa quarantined bubble upang muling simulan ang liga matapos mahinto noong Marso dahil sa coronavirus outbreak.
Lalaruin ang liga na walang manonood at pansamantalang maninirahan ang mga manlalaro sa site habang tuloy ang laro sa kumpetisyon ng kani-kanilang koponan.
Ayon sa ulat, sa huling test na ginawa noong July 20, lahat ng manlalaro ay nag-negatibo sa COVID-19.
Nakatakda ring buksan ng National Hockey League (NHL) ang kanilang season sa Aug. 1 sa isa ring secured na lugar, ayon sa ulat.
Wala namang balak ang Major League Baseball (MLB) na maglaro sa bio-secure bubble setting matapos nitong paigsiin ang season simula pa noong isang linggo.
Sinuspinde naman ng MLB ang Miami Marlins ng isang linggo matapos isang dosenang manlalaro nito ang nagpositibo sa COVID-19 na nagbabadya ng muling pagkabalam ng season.
-
Pinsala sa agrikultura ni Karding, lumobo na sa P160.1M —DA
LUMOBO na sa P160.1 milyong piso ang pinsala at pagkalugi sa agrikultura dahil sa hagupit ng bagyong Karding. Sa pinakahuling pagtataya ng Disaster Risk Reduction and Management Operations Center (DRRM) ng Department of Agriculture (DA), sakop nito ang 16,659 ektarya ng agricultural areas sa Cordillera Administrative Region , Ilocos Region, Central Luzon, Calabarzon, […]
-
House Bill (HB) 8525, o ang panukalang “Tatak Pinoy Act,” inaprubahan
SA PAGSISIKAP ng Kapulungan na maiahon ang kabuhayan ng sambayanang Pilipino, inaprubahan sa bulwagan na pinamumunuan ni Speaker Ferdinand Martin Romualdez ngayong Martes sa ikatlo at huling pagbasa, ang anim (6) pang prayoridad na panukala na kabilang sa Legislative-Executive Development Advisory Council (LEDAC) na common legislative agenda ng administrasyong Marcos. Nagkakaisang inaprubahan ng […]
-
Tubig sa Angat ‘di sasadsad sa critical level -MWSS
HINDI sasadsad sa critical level ang antas ng tubig sa Angat dam sa Bulacan. Ito ang pampakalmang pahayag ng Metropolitan Waterworks and Sewerage System (MWSS) sa publiko kaugnay ng antas sa krisis sa tubig. Sinabi ni Engineer Patrick Dizon, Division Manager ng MWSS na batay sa pag-aaral na ginawa ng Inter-Agency […]