2 ONLINE SELLER ARESTADO SA P40K SHABU
- Published on July 23, 2020
- by @peoplesbalita
ARESTADO ang dalawang babaeng online seller na sideline umano ang pagtulak ng ilegal na droga matapos bentahan ng shabu ang isang pulis na nagpanggap na buyer sa isinagawang buy-bust operation sa Malabon City, kahapon ng madaling araw.
Kinilala ni Malabon police chief Col. Jessie Tamayao ang naarestong mga suspek na si Jane Gellado, 38, ng Alupihan Dagat St. Brgy. Longos at Moneth Soriano, 38, ng 120 10th Ave. Grace Park Brg. 93, Caloocan city.
Sa imbestigasyon ni PMSg Randy Billedo, dakong ala-1:50 ng madaling araw nang isagawa ng mga operatiba ng Station Drug Enforcement Unit (SDEU) sa pangunguna ni P/Capt. Venchito Verillo ang buy-bust operation kontra sa mga suspek sa Leoño St. corner 1st St. Brgy. Tañong.
Nagawang makapagtransaksyon sa mga suspek ng isang sachet ng shabu na nagkakahalaga sa P500 ng isang pulis na nagpanggap na poseur-buyer.
Matapos tanggapin ng mga suspek ang markadong salapi mula sa poseur-buyer kapalit ng shabu ay agad silang inaresto ng mga operatiba.
Narekober sa mga suspek ang walong plastic sachets na naglalaman ng aabot sa 6.0 gramo ng shabu na tinatayang nasa P40,800 ang halaga at buy-bust money. (Richard Mesa)
-
Bulacan, umangat sa ikawalong pwesto bilang Most Competitive Province
LUNGSOD NG MALOLOS – Bilang patunay sa pagsisikap nito tungo sa pag-unlad at dedikasyon sa mabuting pamamahala, umangat ang Lalawigan ng Bulacan sa ikawalong pwesto bilang isa sa Most Competitive Province sa 2023 Philippine Competitiveness Ranking na iginawad ng Department of Trade and Industry (DTI) sa isinagawang 10th Cities and Municipalities Competitive Summit sa Philippine […]
-
Kampanya laban sa terorismo paiigtingin pa ng gobyerno – PBBM
TINIYAK ni Pangulong Ferdinand Marcos Jr., na lalo pang palalakasin ng gobyerno ang kampanya nito laban sa teroristang grupo na patuloy na naghahasik ng karahasan.Ginawa ng Pangulo ang pahayag matapos binigyang pugay ang anim na sundalo na nasawi sa enkwentro laban sa teroristang Dawla Islamiyah sa Lanao del Norte. Sinabi ng Pangulo kailanman […]
-
2 drug suspects huli sa Caloocan drug bust
REHAS na bakal ang kinasadlakan ng dalawang hinihinalang drug personalities matapos kumagat sa ikinasang buy bust operation ng pulisya sa Caloocan City. Kinilala ni Caloocan police chief P/Col. Ruben Lacuesta ang naarestong mga suspek na si alyas “Ert”, 53 at alyas “Mekini”, 20, kapwa residente ng Brgy. 19. Batay sa ulat […]