• June 20, 2024
  • Ang Diyaryong Pinagkakatiwalaan

2 sangkot sa droga tiklo sa P340-K shabu

DALAWANG hinihinalang drug personalities ang nasakote matapos makuhanan ng higit sa P.3 milyon halaga ng shabu sa isinagawang buy-bust operation ng mga pulis sa Valenzuela city, kamakalawa ng gabi.

 

Kinilala ni Valenzuela police chief Col. Fernando Ortega ang naarestong mga suspek na si Michael Sison alyas Puroy, 42 at Roy Evangelista, 23, ng 168 Doon Compound Parada.

 

Nauna rito, nakatanggap ng tip mula sa kanilang pinagkakatiwalaang impormante ang mga operatiba ng Station Drug Enforcement Unit (SDEU) hinggil sa talamak umanong pagbebenta ng ilegal na droga ni Sison kung saan mistulang pila balde umano ang bumibili ng shabu sa suspek.

 

Kaagad nagsagawa ng buy- bust operation ang mga operatiba ng SDEU sa pangunguna ni PLT Renato Ramento sa bahay ni Sison sa 19 Cattleya St. Bahayang Pag-asa, Brgy. Maysan kung saan nagawang makapagtransaksyon ni PCpl Dario Dehitta na nagpanggap na poseur-buyer sa mga suspek ng P7,000 halaga ng shabu.

 

Nang tanggapin ng mga suspek ang marked money mula kay PCpl Dehitta kapalit ng shabu ay agad lumapit ang back up na si PSSg Samson Mansibang at PCpl Ed Shalom Abiertas saka inaresto si Sison at Evangelista.

 

Ayon kay SDEU PSSg Ana Liza Antonio, aabot sa 50 gramo ng hinihinalang shabu na tinatayang nasa P340,000 ang halaga, buy-bust money na binubuo ng 1 tunay P1,000 bill at 6 piraso boodle money, P1,300 cash at cellphone ang narekober ni PCpl Abiertas kay Sison habang nakuha cellphone naman ang nakuha ni PSSg Mansibang kay Evangelista. (Richard Mesa)

Other News
  • RECTOR JAMES WAN WAS THRILLED TO RETURN TO THE FAMILY OF “AQUAMAN” FOR THE SEQUEL “THE LOST KINGDOM”

    FOR director James Wan, one of the highlights of helming the follow-up to the box office smash “Aquaman,” DC’s highest worldwide grossing film of all time, was getting back to work with the creatives, cast and crew that helped make the first film such a success.        Says Wan, “I was thrilled to […]

  • Ads November 9, 2023

  • BALANSENG NUTRITION “PLANT-BASED DIET” VS CLIMATE CHANGE ISINULONG NG DENR

    Hinikayat ng Department of Environment and Natural Resources (DENR) ang mga Filipino na labanan ang climate change sa pamamagitan ng pagtangkilik sa “plant-based diet” na napag-alaman na nakababawas ng “ecological footprint” ng “human food consumption.”   Ang DENR, sa pamamagitan ng Environmental Management Bureau (EMB), ay naglunsad ng isang buwang “public information drive” upang hikayatin […]