2 tulak arestado sa higit P.4 milyon shabu sa Valenzuela
- Published on January 8, 2021
- by @peoplesbalita
Mahigit sa P.4 milyon halaga ng shabu ang nasabat sa dalawang hinihinalang tulak ng ilegal na droga matapos masakote sa magkahiwalay na buy-bust operation ng pulisya sa Valenzuela city.
Ayon kay Valenzuela police chief Col. Fernando Ortega, bandang 8 ng gabi nang magsagawa ng buy-bust operation ang mga operatiba ng Station Drug Enforcement Unit (SDEU) sa pangunguna ni PLT Robin Santos kontra kay Joel Casuple alyas Belok, 41, malapit sa kanyang bahay sa Purok Orosco St. Mapulang Lupa.
Nang tanggapin ni Casuple ang P2,500 marked money mula sa pulis na nagpanggap na buyer kapalit ng isang plastic sachet ng shabu ay agad siyang dinamba ng mga operatiba.
Nakumpiska sa suspek ang nasa 60 gramo ng shabu na tinatayang nasa P408,000.00 ang halaga, buy-bust money, P2,000 bills, at cellphone.
Dakong 9:30 naman ng gabi nang masunggaban din ng mga operatiba ng SDEU si Jovert Bugna, 33 ng Candido St. matapos bentahan ng P300 halaga ng shabu ang isang pulis na nagpanggap na buyer sa buy-bust operation sa Cunanan St., Mapulang Lupa.
Ani SUDE investigator PSSg Carlito Nerit ,Jr., narekober sa suspek ang nasa P3 gramo ng shabu na tinatayang nasa P20,400 ang halaga, marked money, cellphone at P400 bills.
Kaugnay nito, pinuri ni Northern Police District (NPD) PBGen. Eliseo Cruz ang Valenzuela Police SDEU sa ilalim ng pamumuno ni Col. Ortega dahil sa matagumpat na operasyon kontra sa ilegal na droga. (Richard Mesa)
-
Pagsasanib ng Landbank at DBP aprubado na kay PBBM
APRUBADO kay Pangulong Ferdinand R. Marcos Jr. ang panukalang pagsasanib ng Land Bank of the Philippines at ng Development Bank of the Philippines (DBP). Ito’y sa harap ng nakikita ng pamahalaan na kailangang magtipid. Base sa assessment ng gobyerno ay aabot sa P5. 3 bilyong piso sa unang taon ang maisusubi at aabot […]
-
Buong Pilipinas isinailalim na sa State of Public Health Emergency
ISINAILALIM ni Pangulong Rodrigo Duterte ang bansa sa State of Public Health Emergency bilang hakbang laban sa coronavirus disease (COVID-19) kasunod ng pagdami ng mga kumpirmadong kaso ng sakit. Mula noong Biyernes, nadagdagan ng 7 ang kumpir-madong kaso ng COVID-19 sa bansa, ayon sa Department of Health (DOH). Dahil dito, umakyat na sa 10 […]
-
Ilang mga alkalde hindi sang-ayon sa isinusulong ng DILG sa hindi na pag-anunsiyo ng bakuna
Hindi sang-ayon ang ilang alkalde sa Metro Manila sa panukalang hindi na sabihin sa mga mamamayan ang COVID-19 vaccine na ituturok sa kanila. Kasunod ito sa naging pahayag ni Department of Interior and Local Government (DILG) Secretary Eduard Año na dapat hindi inaanunsiyo ang mga brand na gagamitin ng mga LGU para hindi […]