2k baboy mula sa South Cotabato nasa Vitas, Tondo na
- Published on February 19, 2021
- by @peoplesbalita
INANUNSYO ng Malakanyang ang pagdating 2,000 baboy mula sa South Cotabato kung saan ito ngayon ay nasa Vitas, Tondo.
Sinabi ni Presidential Spokesperson Harry Roque na ito ay iparating sa iba’t ibang palengke sa Metro Manila ang nasabing baboy dahil ito ay kabahagi ng mga hakbang na ginagawa ng pamahalaan para maibsan ang kakulangan ng suplay ng baboy sa MM.
Layon nito na mapababa ang presyo ng baboy at kahit papaano ay umabot sa price cap net ng gobyerno.
Matatandaang, nilagdaan ni Pangulong Rodrigo Roa Duterte ang Executive Order 124 na itinakda ang presyo ng kasim/pigue ng baboy sa P270 kada kilo,samantalang ang liempo naman ay P300 kada kilo habang ang presyo naman ng dressed chicken ay hindi dapat lumampas sa P160 kada kilo sa lahat ng pamilihan sa Metro Manila.
Nakasaad sa EO na ipinalabas ang kautusan upang matugunan ang patuloy na pagtaas ng presyo ng bilihin kung saan inirekomenda ng Department of Agriculture ang pagpapatupad ng price ceiling sa ilang pork at chicken products.
Ayon pa sa kautusan, ang kasalukuyang presyo ng mga pangunahing pangangailangan sa National Capital Region (NCR) katulad ng baboy at manok ay lubhang tumaas na naging pahirap sa mga mamamayan lalo na sa mga mahihirap.
Nabawasan din ang karne ng baboy sa bansa dahil sa outbreak ng African Swine Fever na nakaapekto sa suplay at naging dahilan sa pagtaas ng presyo nito.
Binanggit din sa EO na may kapangyarihan ang Pangulo na magpatupad ng price ceiling na nakapaloob sa Section 7 ng Republic Act 7581 o Price Act base sa rekomendasyon ng implementing agency o Price Coordinating Council kung may emergency o calamity sa bansa.
Matatandaan na sa Proclamation No. 1022 pinalawig ang State of Calamity sa buong bansa dahil sa COVID-19 mula Setyembre 13,2020 hanggang Setyembre 12, 2021. (Daris Jose)
-
Quarantine violators mahaharap sa civil, criminal charges- Malakanyang
PAPATAWAN ng pamahalaan ng kaparusahan ang mga quarantine violators at ipapataw ang “fullest extent of the law.” Ang pahayag na ito ng Malakanyang ay matapos na laktawan ng Filipino traveler mula Estados Unidos ang sumailalim sa isolation para lamang makadalo sa isang party. Ang biyahero ay nakilala sa pangalang Gwyneth Chua na dumating […]
-
Sa pinakikita nina DEREK at ELLEN, mukhang may ‘something’ na talaga kahit maraming against
MUKHANG may ‘something’ na talaga between Derek Ramsay at Ellen Adarna. Ito na ang nakikita at halos pinaniniwalaan ng mga netizens. Hindi masisisi nina Derek at Ellen ang netizens kahit pa “The Unbothered” ang tag sa kanila dahil sa mga ipino-post din naman nilang larawan na napaka-cozy sa isa’t-isa. Nandiyang tila […]
-
2021’s “Dune” Returns to PH IMAX Cinemas Starting February 7, With a Special Sneak Peek of New “Dune: Part Two”
THE desert calls. Return to the world of Dune before watching one of the most exciting sequels of the year. Dune returns exclusively to IMAX starting February 7. This is your chance to experience Denis Villeneuve’s first Dune film the way it was meant to be seen. This special experience also includes a sneak peek […]