3 kalaboso sa P1.5 milyon shabu sa Caloocan
- Published on November 4, 2021
- by @peoplesbalita
KULONG ang tatlong hinihinalang drug personalities matapos makuhanan ng mahigit P1.5 milyon halaga ng shabu nang tangkain takasan ang mga pulis na nagsasagawa ng Oplan Sita habang sakay ng dalawang motorsiklo sa Caloocan City.
Kinilala ni Caloocan police chief Col. Samuel Mina Jr. ang naarestong mga suspek na sina Jeffrey Filiciano, 43, Regie Rivera, 35, messenger, kapwa ng Sampalok, Manila, at Jeric Sy, 52 ng 5th Avenue Brgy. 53 ng lungsod.
Base sa report ni Col. Mina kay Northern Police District (NPD) Director PBGEN Jose Hidalgo Jr., dakong alas-12:05 ng hating gabi, nagsasagawa ng Oplan Sita sa kahabaan ng Taksay St., Brgy. 28 ang mga tauhan ng Tuna Police Sub-Station (SS1) sa pangunguna ni PMAJ Jerry Garces nang parahin nila ang mga suspek na sakay ng dalawang motorsiklo dahil walang suot na mga helmet.
Gayunman, hindi pinansin ng mga suspek ang mga pulis at tinangkang tumakas ng mga ito na naging dahilan upang habulin sila ng mga parak hanggang sa bumangga sa nakaparadang truck si Sy habang naaresto naman ang dalawa niyang kasama.
Nang kapkapan, nakuha ni PCpl Joeph Young kay Sy ang isang knot tied plastic sachet na naglalaman ng nasa 100 grams ng hinihinalang shabu na may standard drug price P680,000 habang narekober naman ni PCpl Christian Malinao kay Rivera ang isang medium plastic sachet na naglalaman ng nasa 25 grams ng hinihinalang shabu na may standard drug price P170,000.
Nasamsam naman ni PSSg Ernesto Camacho kay Filiciano ang isang knot tied plastic sachet na naglalaman ng nasa 100 grams ng shabu na may standard drug price P680,000 at isang weighing scale.
Nahaharap ang mga suspek sa kasong paglabag sa Art 151 of RPC, RA 10054 at RA 9165 o Comprehensive Dangerous Drugs Act 2002. (Richard Mesa)
-
4 drug personalities timbog sa Valenzuela buy-bust
Apat na hinihinalang sangkot sa ilegal na droga ang arestado matapos makuhanan ng nasa P81,600 halaga ng shabu sa magkahiwalay na buy-busy operation ng pulisya sa Valenzuela city. Ayon kay Valenzuela Police Station Drug Enforcement Unit (SDEU) investigator PCpl Pamela Joy Catalla, dakong 1:10 ng madaling araw nang magsagawa ng buy-bust operation ang […]
-
LeBron James, ikakampanya sina Biden sa pagkapangulo ng US
Inanunsiyo ni NBA star LeBron James na ikakampanya niya sa pagkapangulo ng US si Joe Biden at Kamala Harris. Sinabi nito na napapanahon na para magkaroon ng pagbabago at para simulan ito ay dapat baguhin ang namumuno sa bansa. Dagdag pa nito na hindi naman niya itinatago na hindi ito sang-ayon sa ipinapatupad na […]
-
DOTr, itutuloy ang naudlot na railway projects sa tulong ng South Korea, Japan at India
PINAG-AARALAN ng Department of Transportation (DOTr) na ipagpatuloy ang dating mga railway projects na suportado ng China. Ito ay sa pamamagitan ng official development assistance (ODA) mula sa South Korea, Japan, India. Gayundin sa pamamagitan ng pakikipagtulungan sa mga pribadong sektor. Sinabi ni DOTr Secretary Jaime Bautista na ang […]