• September 24, 2023
  • Ang Diyaryong Pinagkakatiwalaan

4 patay, 3 sugatan

Apat ang patay, kabilang ang dalawang pulis ng Quezon City Police District (QCPD), isang  agent at isang civilian informant ng Phi­lippine Drug Enforcement  Agency (PDEA), habang tatlo pa ang sugatan sa naganap na ‘misencounter’ ng dalawang ahensiya kamakalawa ng gabi sa Quezon City.

 

 

Ayon kay National Capital Region Office chief,  Maj. Gen. Vicente Danao Jr. nakakalungkot na nagkaroon ng misencounter  na ang layunin ay sugpuin ang bentahan ng illegal drugs sa bansa.

 

 

Lumilitaw na alas-5:45 ng hapon nang maganap ang ‘armed encounter’ sa pagitan ng mga tauhan ng District Special Operations Unit ng QCPD at PDEA sa parking lot ng  isang fastfood chain sa Commonwealth Ave.

 

 

Sinabi ni Danao na walang ideya ang  PNP na ang kanilang katransaksiyon ay  PDEA agents.

 

 

“Kung sino ‘yung nag buy-bust, sino yung ka buy-bust, ‘yun pa yung iniimbestigahan natin, ” ani Danao .

 

 

Kapwa nagsasabi ang dalawang ahensya na kumpleto ang kanilang mga koordinasyon pero nangyari pa rin ang shootout.

 

 

Papasok rin sa imbestigasyon ang National Bureau of Investigation (NBI) para mabigyang-linaw ang mga pangyayari.

 

 

Hindi umano maaapektuhan ang imbestigasyon ng NBI sa ginagawa ring imbestigasyon ng PDEA at PNP.

 

 

Nakilala ang dalawang nasawing pulis na    sina PCpl Lauro de Guzman at PCpl Galvin Eric Garado, kapwa nakatalaga sa District Special Operations Group (DSOU) ng ­Quezon City Police District (QCPD) habang hindi kaagad nakuha ang pagkakakilanlan ng ikatlong namatay na isang PDEA agent.

 

 

Alas-5:45 ng hapon kamakalawa nang maganap ang insidente sa parking area ng isang kilalang fastfood chain, sa tabi ng mall na matatagpuan sa Commonwealth ­Avenue, Brgy. Batasan Hills.

 

 

Samantala, sinisilip ng pamunuan ng Philippine Drug Enforcement Agency (PDEA) na posibleng ang mga drug syndicate ang sumabotahe at kumilos kaya nagkaroon ng misencounter ang grupo ng Quezon City police at ng una. Ayon kay PDEA director Wilkins Villanueva na bagama’t hindi pa sila makapagbibigay ng impormasyon dahil sa patuloy pa rin ang masusing imbestigasyon na kanilang isinasagawa, tinitignan nila ang anggulo nang pananabotahe, napaglaruan ng sindikato  o pwede rin naman na kapabayaan kaya naganap ang barilan.

 

 

Kaugnay nito, nangako si Pangulong Rodrigo Duterte na magkakaroon ng patas na imbestigasyon sa nangyaring barilan.

 

 

Ayon kay Presidential Spokesperson ­Harry Roque, nalungkot ang Pangulo matapos malaman ang nangyari at nangako na magkakaroon nang “masinsinang” imbestigasyon.

 

 

Kapwa rin nagpahayag ang Senado at Kamara na magsasagawa rin sila ng imbestigasyon sa nangyaring barilan na sinasabing ‘misincounter’ sa pagitan ng dalawang law enforcement unit. (Daris Jose)

Other News
  • Mayor Tiangco: Covid-free pa rin ang Navotas

    SA kabila ng mga tsismis na naglipana online, tiniyak ni Mayor Toby Tiangco sa mga residente ng Navotas na wala pa ring kumpirmadong kaso ng Coronavirus Disease 2019 (COVID19) sa lungsod.   Nilinaw ni Tiangco na ang lungsod ay may 13 na persons under monitoring (PUM) sa ngayon, 11 March, at lahat sila ay sumasailalim […]

  • Nakararanas ng hirap sa mga isinasagawang response effort sa mga lugar na tinamaan ng kalamidad dahil sa patuloy na banta ng Covid-19

    PUMIYOK si National Disaster Risk Reduction & Management Council Executive Director USec Ricardo Jalad na hirap ang kanilang sitwasyon ngayon kung saan maliban sa sinusuong na pandemya ay sumabay pa ang paghagupit ng bagyo sa ilang bahagi ng bansa.   Sa Laging handa public press briefing at sinabi ni Jalad na may mga evacuation centers […]

  • Duterte umaasang ‘di mas mapanganib ang bagong ‘monster’ na COVID-19 variant

    Nababahala umano si Pangulong Rodrigo Duterte matapos makapasok na sa Pilipinas ang bagong variant ng COVID-19.   Sa kanyang weekly address, sinabi ng Pangulong Duterte na umaasa itong hindi mas mapanganib ang bagong variant ng coronavirus na unang na-detect sa United Kingdom.   “And I pray to God, really, na sana hindi ito more dangerous, […]