49th MMFF Parade of Stars ginanap sa CAMANAVA
- Published on December 19, 2023
- by @peoplesbalita
IPINAGDIWANG ang 49th Metro Manila Film Festival Parade of Stars sa mga Lungsod ng Caloocan, Malabon, Navotas at Valenzuela (CAMANAVA) kung saan tampok ang mga float ng sampung pelikulang kalahok ngayon taon para i-promote ang mga ito.
Nagsimula ang kick-off program sa Navotas Centennial Park sa pamamagitan ng mga mensahe at pagbati mula kay Metro Manila Development Authority (MMDA) Acting Chairman, Atty. Don Artes, at mga mayor ng lungsod ng CAMANAVA na sina Mayor Wes Gatchalian, Mayor John Rey Tiangco, Mayor Dale Gonzalo Malapitan, at Mayor Jeannie Sandoval na nagpahayag ng kanilang suporta sa taunang pagdiriwang.
Nagpasalamat naman si Mayor Tiangco sa MMDA, sa pagbibigay ng oportunidad na maging bahagi ang Lungsod ng Navotas ng Parade of Stars. “Suportahan po natin ang pelikulang Pilipino!” aniya.
Matapos ang programa sa Navotas Centennial Park, sinimulan na ang parada ng mga makukulay na floats sakay ang mga artistang gumanap sa sampung pelikulang kalahok sa MMFF kung saan sabik nainabagan sila ng kanilang mga tagahanga para personal silang makita at makakuha at mga videos.
Ang sampung pelikulang kalahok sa MMFF ngayong taon ay kinabibilangan ng Firefly, When I Met You In Tokyo, Rewind, Broken Hearts Trip, Mallari, Penduko, Gomburza Family Of Two, K(a)mpon, At Becky & Badette. Ang MMFF 2023 ay bumalot sa makulay na kultura at kasaysayan ng bansa sa pamamagitan ng modernong pagkukuwento.
Nagtapos ang parada sa Valenzuela City na sinundan ng pagsasara ng programa at film showing sa Valenzuela City People’s Park and Amphitheatre kung saan dinumog ng tone-toneladang Valenzuelanos, kasama si Mayor Gatchalian para saksihan ang movie entries ng MMFF. (Richard Mesa)
-
Pacquiao ensayo agad sa Vegas
Walang tigil sa ensayo si People’s Champion Manny Pacquiao na sumalang agad sa magagaan na workout nang dumating ito sa Las Vegas, Nevada. Nasa Las Vegas na ang Pinoy champion para sa laban nito kay Yordenis Ugas sa Linggo (oras sa Maynila). May apat na oras na land travel din ang […]
-
Pasko ng pagkakaisa: Tagumpay sa gitna ng mga pagsubok – Speaker Romualdez
Ngayong Kapaskuhan, ipinaabot ni House Speaker Ferdinand Martin Romualdez ang taos-pusong pagbati nito ng Maligayang Pasko sa bawat pamilyang Pilipino, nasaan man silang panig ng mundo. Ayon sa lider ng Kamara, ang panahong ito ay simbolo ng saya, pasasalamat, at pagmumuni-muni, at isang pagkakataon na maipagdiwang ang pagmamahal at pagkakaisa na nagbibigkis […]
-
Asian Athlete of the Century si ‘Pacman’ KINILALA si Manny Pacquiao bilang numero unong atleta sa buong Asya ngayong 21st century, ayon sa prestihiyosong Top 25 Asian Athletes ng ESPN.
Pinunto ng ESPN ang walang kaparis na achievements ni Pacquiao sa boxing, kung saan isa siya sa maituturing na pinakamagaling sa buong mundo kaya nararapat lang na maging No. 1 sa Asya. Hanggang sa ngayon, ang tinaguriang Pambansang Kamao na si Pacquiao pa lang ang natatanging fighter sa kasaysayan na naghari sa 8 magkakaibang weight […]