7 ARESTADO SA DRUG BUY BUST SA VALENZUELA
- Published on July 16, 2021
- by @peoplesbalita
PITONG hinihinalang sangkot sa illegal na droga kabilang ang dalawang bebot ang arestado sa isinagawang buy bust operation ng pulisya sa Valenzuela city.
Kinilala ni Valenzuela Police Station Drug Enforcement Unit (SDEU) chief PLT Joel Madregalejo ang naarestong mga suspek na sina Roy Hubilla, 45, welder, Jimmyboy Yumul, 38, Noel Villafranca, 33, Fortfred Bangan, 33, Daniel Quijano, 23, Aireen Macaraeg, 24, at Jheannewhyne Dela Cruz, 22.
Sa report ni SDEU investigator PSMS Fortunato Candido kay City Chief P/Col. Ramchrisen Haveria Jr, dakong alas-12:40 ng madaling araw nang magsagawa ang mga operatiba ng SDEU sa pangunguna ni PLT Madregalejo ng buy bust operation kontra kay Hubilla sa kanyang bahay sa 130 C. Molina St. Block 4, Brgy., Veinte Reales.
Kaagad dinamba ng mga operatiba si Hubilla matapos bentahan ng P500 halaga ng droga ang isang pulis na nagpanggap na poseur-buyer habang naaktuhan naman ang anim pang mga suspek na sumisinghot umano sa shabu sa loob ng bahay.
Nasamsam sa mga suspek ang humigi’t-kumulang sa 5 grams ng hinihinalang shabu na may standard drug price P34,000.00, buy bust money, P1,000 recovered money, 3 cellphones at ilang drug paraphernalias.
Kasong paglabag sa paglabag sa Sec 5, 11, 12 at 15 under Article II of RA 9165 ang isinampa ng pulisya kontra sa mga naarestong suspek sa Valenzuela City Prosecutors Office. (Richard Mesa)
-
10 pasahero na COVID-19 positive tumakas sa India
HINAHANAP na ng mga otoridad sa India ang nasa 10 pasahero na tumakas mula sa paliparan ng Amritsar City. Ang nasabing mga pasahero aniya ay nagpositbo sa COVID-19 subalit sila ay tumakas. Sinabi ni senior district officer Ruhee Dugg na lulan ng international chartered flight ang mga pasahero mula Italy na […]
-
2 bagong tren ng PNR, aarangkada na
SA mga susunod na araw ay maari ng masakyang ang dalawang bagong bagon ng Philippine National Railways (PNR). Inaasahan din na mabibigyang serbisyo sa mga libo-libong mga mananakay na mula sa Tutuban hanggang Alabang Station. Ayon sa PNR, nakumpleto na ang mga bagong bagon ng tren na idineploy sa PNR depot ngayong araw […]
-
Maine, sumuporta at hangang-hanga sa fiance: Cong. ARJO, kakaiba ang husay sa pag-arte sa ‘Cattleya Killer’
ISA sa mga big stars na sumuporta sa matagumpay at star-studded na blue carpet screening ng newest Amazon Exclusive crime-thriller na ‘Cattleya Killer’, last May 12 na ginanap sa Cinema 7 ng Trinoma Mall, ang fiancee ni Congressman Arjo Atayde na si Maine Mendoza, na tahimik lang na nanood sa taas ng sinehan. Nagkaroon […]