• June 22, 2024
  • Ang Diyaryong Pinagkakatiwalaan

8 drug suspects timbog sa buy-bust sa Valenzuela

Walong hinihinalang drug personalities kabilang ang isang ginang ang arestado matapos makumpiskahan ng halos P.2 milyon halaga ng shabu sa magkahiwalay na buy-bust operation ng pulisya sa Valenzuela city.

 

 

Sa report ni Valenzuela police chief Col. Fernando Ortega kay Northern Police District (NPD) Director P/BGen. Nelson Bondoc, dakong alas-2:30 ng madaling araw nang magsagawa ng buy-bust operation ang mga operatiba ng Station Drug Enforcement Unit (SDEU) sa pangunguna ni PLT Joel Madregalejo sa ilalim ng pangangasiwa ni PLT Robin Santos sa J. Martin St. Brgy. Pasolo.

 

 

Kaagad sinunggaban nina PSSg Alvin Olpindo at PSSg Samson Mansibang si Rolando Samonte alyas “Tisoy”, 45, ng Palamores St. Coloong at Michael Santos, 47 ng Santos Comp. Malinta Bukid matapos bentahan ng P5,000 halaga ng shabu si PCpl Ed Shalom Abiertas na nagpanggap na buyer.

 

 

Ani SDEU investigator PSSg Ana Liza Antonio, nakuha sa mga suspek ang nasa 20 gramo ng hinihinalang shabu na may standard drug price P136,000 ang halaga, buy-bust money, P2,750 cash, 2 cellphones, motorsiklo, bisikleta at coin purse.

 

 

Nauna rito, dakong 11:30 ng gabi nang madakma din ng kabilang team ng SDEU sa buy-bust operation sa 67 N. De Galicia St., Brgy. Maysan sina Sahlee De Galicia alyas “Boss”, 49, Enrico Pamintuan, 49, Reynaldo Eugenio Jr., 31, Rogelio Camuñas, Jr., 52, Alberto Fermin, 56, at Edgar Lancero, 48.

 

 

Ayon kay SDEU investigator PSSg Carlito Nerit Jr., narekober ng mga operatiba sa mga suspek ang nasa 6.5 gramo ng shabu na tinatayang nasa P44,200 ang halaga, P500 buy bust money, P1,500 cash, cellphone at ilang drug paraphernalia.

 

 

Kaugnay nito, pinuri ng bagong District Director ng NPD na si P/BGen. Bondoc ang Valenzuela police SDEU dahil sa kanilang matagumpay na drug operation na nagresulta sa pagkakaaresto sa mga suspek at pagkakakumpiska sa halos P.2 milyon halaga ng droga. (Richard Mesa)

Other News
  • Ads February 21, 2024

  • Moreno at Pacquiao angat sa botohan sa pagka-senador sa 2022 – Pulse Asia Survey

    Nasa unang puwesto sina Manila Mayor Isko Moreno at Senator Manny Pacquiao sa Pulse Asia Survey sa mga tatakbong senador sa 2022 election.     Sinundan ito nina Davao City Mayor Sara Duterte, mamamahayag na si Raffy Tulfo, Taguig-Pateros Rep. Alan Peter Cayetano at Sorsogon Governor Francis Escudero sa top six.     Mayroong 54 […]

  • Seguridad sa pagsisimula ng campaign period para sa national candidates, maaasahan – PNP

    TINIYAK  ng pamunuan ng Philippine National Police (PNP) na kanilang bibigyan ng standard security package ang mga kandidato sa national elections sa pagsisimula ng campaign period, February 8, 2022.     Ayon kay PNP chief General Dionardo Carlos, handa na ang latag ng kanilang seguridad para matiyak na magiging mapayapa ang panahon ng kampanya hanggang […]