MANGGAGAWA NG PAL, TUMANGGAP NA NG SEPARATION PAY
- Published on March 19, 2021
- by @peoplesbalita
NAKATANGGAP na ng kanilang separation pay ang mahigit sa 1,4000 manggagawa ng Philippine Airlines (PAL) na natanggap sa trabaho.
Sa pahayag na inilabas ng Department of Labor and Employment – National Capital Region (DOLE-NCR) umabot sa P2.31 bilyon ang separation pay na naipamahagi sa 1,455 apektadong mangggagawa .
Ang nasabing mga manggagawa na apektado ay kabilang ang mga voluntary at involuntary separation mula sa kumpanya at naka-empleo hanggang March 12 bilang bahagi ng recovery plan ng PAL dahil na rin sa pandemya na labis na nakaapekto sa airline industry sa buong mundo.
Ang DOLE-NCR sa pamamagitan ng Makati-Pasay Field Office (MPFO) nito ay nakatanggap noong isang buwan ng serye ng notice of termination mula sa PAL para sa apektadong mga manggagawa at inanunsyo ng kompanya noong February 2 ang company-wide workforce reduction program kung saan nasa 2,300 manggagawa ang maapektuhan.
Gayunman napagdesisyunan ng pamunuan na manatili ang 845 na manggagawa.
Sinabi naman nina Rhodora Buca at Edmond Paolo Garcia, mga opisyal ng PAL’s HR Department, na nagbigay ang kumpanya ng separation pay na katumbas ng isang buwan na suweldo para sa bawat taon ng serbisyo, kasama na ang outplacement assistance upang mapadali ang paglipat.
Samantala, sinabi ni Garcia na mayroon silang mga empleyado na nagsasanay sa ilang mga Business Process Outsourcing (BPO) companies, gaya ng Accenture at Sitel.
Iniulat din ng DOLE-NCR na pinabilis ang pag-aaral at evaluate sa mga naalis na manggagawa na kuwalipikado para tumanggap ng tulong pinansyal sa pamamagitan ng Covid-19 Adjustment Measures Program (CAMP) sa ilalim ng Bayanihan 2.
Ito ay programa na one-time P5,000 cash aid na ibinibigay ng gobyerno sa mga apektadong manggagagawa sa pribadong establisyimento o kumpanya.(GENE ADSUARA)
-
Tuloy na tuloy ang Miss World 2021 Coronation: TRACY MAUREEN, handa nang ipakita na kayang mapanalunan ang korona
TULOY na ang Miss World 2021 Coronation matapos itong maantala last December 17 dahil sa Covid-19 pandemic. Ready na ang Philippine bet na si Tracy Maureen Perez to conquer greater heights at ipakita na kaya niyang mapanalunan ang korona as she competes with 40 candidates aiming to win the Miss World 2021 crown. […]
-
Pagmamahal ng aktor walang hanggan at katapusan: KATHRYN, pinasalamatan si DANIEL sa ’11 beautiful years’
PAGKATAPOS ng ilang buwan na pinag-uusapan na nagkahiwalay na ang minamahal na loveteam nina Kathryn Bernardo at Daniel Padilla, nakumpirma na nga ito noong November 30. Pareho na ngang nagsalita sina Kath at DJ at inaming hiwalay na sila kasabay ng pakiusap na irespeto muna ang kanilang privacy. Sa mahabang Instagram post ni Kath sinimulan […]
-
Cha-cha aprub na sa Kamara
LUSOT na sa ikatlo at huling pagbasa sa Kamara ang panawagang pag-amyenda sa 1987 Constitution o Charter change. Sa botong 301 pabor, anim kontra at isang abstention ay ganap na naipasa ang Resolution of Both Houses (RBH) 6 na nanawagan ng reporma sa ekonomiya sa pamamagitan ng Constitutional convention (Con-con) bilang paraan ng […]