Malakanyang, umaasa na aalis na rin ang mga natitirang Chinese vessels
- Published on May 5, 2021
- by @peoplesbalita
UMAASA ang Malakanyang na aalis na rin ang natitirang Chinese vessels na nakadaong sa Julian Felipe Reef sa West Philippine Sea (WPS).
“We are still hoping that they will leave the area. Kaya hindi po totoo na hindi pinansin ng China ang Presidente (Rodrigo Roa Duterte),” ayon kay Presidential Spokesperson Harry Roque.
Binanggit ni Sec. Roque ang mainit na relasyon ng Pilipinas at China ang dahilan para umalis ang ilan sa Chinese vessels mula Julian Felipe Reef, na nasa loob ng exclusive economic zone (EEZ) ng Pilipinas.
Aniya, ang bilang ng Chinese ships sa nasabing lugar ay lumiit na mula sa mahigit 200 noong Marso.
“220 po ang ships in early March, at dahil sa pag-uusap ni Chinese Ambassador [to the Philippines] Huang Xilian at ni President Duterte at sa ating warm relations with China, bumaba po ang numero. 136 po ang umalis. ‘Yung second batch ay another 65,” ayon kay Sec.Roque.
Batay sa huling bilang ng mga awtoridad, may 14 Chinese vessels ang malapit sa Julian Felipe Reef.
Sinabi ng Beijing, na ang kanilang sasakyang pandagat ay sumilong lamang sa nasabing lugar dahil sa sama ng panahon subalit duda naman ang mga opisyal ng pamahalaan dito.
Nag-react naman si Sec. Roque sa obserbasyon na walang dating sa China ang mga pahayag ni Pangulong Duterte.
At sa tanong naman kung kinakatigan ng Malakanyang ang sentimyento ni DFA Sec. Teddy Locisn Jr. ay sinabi ni Sec. Roque na “Locsin is free to speak his mind.”
“Hindi po natin pinanghihimasukan ang karapatan ng malayang pananalita ni Secretary Locsin,” anito. (Daris Jose)
-
Pagpapatupad ng bagong alert level system sa mga probinsiya, may konsultasyon- Sec. Roque
KINUMPIRMA ni Presidential Spokesperson Harry Roque na kinunsulta ng Inter-Agency Task Force (IATF) ang lahat ng rehiyon at probinsya bago pa ikinasa ang bagong alert level system sa ilang piling lugar sa bansa. Umapela kasi ang League of Provinces in the Philippines sa IATF na ipagpaliban ang implementasyon ng alert level system sa […]
-
Japanese tennis star Kei Nishikori, umatras sa pagsali sa US Open
Desidido pa rin si Japanese tennis star Kei Nishikori na hindi sumali sa US Open ngayong taon. Ito ay kahit nagnegatibo na sa COVID-19. Ayon sa 2014 U.S. Open runner-up, labis ang kasiyahan nito ngayon dahil matapos ang dalawang positive results ng kaniyang test ay lumabas sa pangatlong pagkakataon ng COVID-19 test na negatibo na […]
-
Awarding ng tseke sa 4 Olympic medalists sa Malacañang
Gusto ng Philippine Sports Commission (PSC) na pagsabayin ang pagbibigay ng cash incentives at awards kina Olympic Games medalists Hidilyn Diaz, Nesthy Petecio, Carlo Paalam at Eumir Felix Marcial sa Malacañang. Sinabi kahapon ni PSC chairman William ‘Butch’ Ramirez na naghihintay sila ng ‘go signal’ mula sa Office of the President para sa […]