BEA, ‘di pa siniseryoso ang lovelife dahil ‘di pa mapatawad ang isang tao; kahit happy na kay DOMINIC

MATAGAL na palang gustong ma-meet nang personal ng bagong Kapuso actress na si Bea Alonzo, si Ms. Jessica Soho ng Kapuso Mo, Jessica Soho ng GMA Network, dahil nanonood daw siya nito every Sunday. 

Kaya naman right after makapirma ng contract niya si Bea sa Kapuso Network ay pumayag siya agad na ma-interview ni Jessica na ginawa nila sa 16-hectare Beati Firma farm ng actress sa Iba, Zambales.

Isa sa topic na napag-usapan nina Bea at Jessica ang lovelife nito, at nabanggit ang boyfriend na si Dominic Roque, simple na ‘happy’ ang sagot ni Bea.

Sa ngayon daw ay hindi pa niya siniseryoso ang lovelife niya, dahil hanggang sa ngayon ay hindi pa raw niya mapatawad ang isang tao.  Hindi man pinangalanan ni Bea kung sino ang guy, pero maraming nagsabi na si Gerald Anderson daw iyon.

Half-British, half-Filipino si Bea, hindi niya kilala ang ama, pero hindi na raw niya hinahanap ito, dahil mabait at responsible ang kanyang stepfather at masaya sa kanya ang mommy niya.

Magkasama nga bang aalis sina Bea at Dominic para sa kanilang US trip?

Pareho silang nag-post sa kanilang social media na papunta silang US pero hindi sinabi kung saan at kung ilang araw silang mawawala.

***

BUKOD sa maraming followers sa kanyang Tiktok account si Kapuso actress Sanya Lopez, tinanggap ni First Yaya lead star ang pinakabago nyang achievement sa kauna-unahang “Tiktok PH Awards” last July 5 at iniuwi niya ang Top Celebrity Award.

Tuwang-tuwa si Sanya at nagpasalamat sa kanyang mga fans. Hindi raw niya in-expect ang award dahil nag-umpisa lamang siyang mag-TikTok for fun and entertainment para sa kanyang mga fans.

“Maraming salamat po,” sabi ni Sanya.

“I’m very happy and surprised. Di ko akalain na aabot din ako ng 10 million followers.”

Ipinagpasalamat din ni Sanya ang successful finale ng pinagbidahan niyang primetime series na First Yaya.

Sa ngayon ay abala naman si Sanya sa role niya bilang si  Maya sa Agimat ng Agila ni Bong Revilla. 

Exciting na ang mga eksena ngayon, dahil kung si Gabriel (Bong) ay tagapag-ingat ng agimat ng agila, magkalaban ba sila ni Maya na siya namang binigyan ng agimat ng Bakunawa?

Sa direksyon ni Rico Gutierrez, napapanood ang Agimat ng Agila every Saturday, 7:15PM, pagkatapos ng Pepito Manaloto sa GMA-7.

***

THANKFUL ang bagong Kapuso comedian-actress na si Pokwang na sunud-sunod ang projects niya sa GMA Network.

Hindi pa siya pumipirma ng contract sa network, nag-guest na siya sa The Boobay And Tekla Show at sinundan agad ito ng isang drama episode ng Wish Ko Lang titled “Ang Forever ni Miss Virgie,” na isa siyang principal pero na-in love sa kanya ang dati niyang student, played by Jeric Gonzales.

Ngayong Saturday naman, July 10, sa kauna-unahang pagkakataon ay gaganap si Pokwang sa isang real-life drama anthology, sa Magpakailanman titled ‘Nanay Kontesera.”

Lahat ng klase ng trabaho ay papasukin ni Helen (Pokwang) to support her three children na ang isa ay may kapansanan pa.

At nagsimula na ring mag-taping si Pokwang ng bagong episode ng Pepito Manaloto na babalikan ang pagsisimula ng story nito, sa bagong cast, kasama pa rin sina Michael V at Manilyn Reynes. 

Mapapanood na ang pilot episode nila sa July 17, 6:00PM.

(NORA V. CALDERON)