Meralco wala munang disconnection sa NCR, Laguna
- Published on August 6, 2021
- by @peoplesbalita
Sinuspinde muna ng Manila Electric Company (Meralco) ang kanilang disconnection activities sa Laguna at National Capital Region (NCR) sa ilang piling petsa ngayong Agosto.
Ito’y kasunod na rin nang pagsasailalim ng pamahalaan sa mga naturang lugar sa mas istriktong community quarantines dahil sa pagtaas ng mga kaso ng COVID-19 nitong mga nakalipas na araw.
Sa paabiso ng Meralco, ang disconnection sa Laguna ay suspendido mula Agosto 1 hanggang 15, dahil sa pagpapasailalim sa lalawigan sa modified enhanced community quarantine (MECQ).
Samantala, hindi rin muna magpuputol ang Meralco ng linya ng kuryente sa NCR simula Agosto 6-20 dahil sa nakatakdang enhanced community quarantine (ECQ) sa rehiyon.
Umapela rin ang Meralco sa mga kostumer na makipag-ugnayan sa kanila sa mga billing concerns ng mga ito at samantalahin ang pagkakataon upang makaiwas sa mahabang pila, sa sandaling alisin nang muli ang ECQ.
Tuloy naman ang meter reading at bill delivery activities ng Meralco. (Gene Adsuara)
-
RODERICK, ‘di sumama ang loob na ‘di nakapasok ang comeback film na ‘Mudrasta’ sa ‘MMFF’
Roderick Paulate na hindi nakapasok sa festival ang comeback film niya Mudrasta from TREX Entertainment Productions. Hindi naman kasi alam ni Kuya Dick na ipinasok pala as entry ang movie kung saan leading man niya si Tonton Gutierrez and kasama rin ang kaibigan niyang si Carmi Martin. Since comeback movie niya ang Mudrasta, […]
-
Valenzuela TODAs nakatanggap ng P3.7M tulong fuel subsidy program
NAMAHAGI ang Pamahalaang Lungsod ng Valenzuela sa pamumuno ni Mayor WES Gatchalian sa pakikipagtulungan ng City Council ng one-time fuel subsidy vouchers na nagkakahalaga ng P500 sa lehitimong mga tricycle driver at operators na mga miyembro ng TODA sa Valenzuela City. Ang pamamahagi ng fuel subsidy voucher program ay ipinapatupad sa pamamagitan ng […]
-
Fernando, nilinaw ang usapin sa NFEx
LUNGSOD NG MALOLOS– “Saan man at kailanman, wala sa pagkatao ni Daniel Fernando ang magbebenta ng karapatan ng kaniyang kalalawigan, lalo na nang maliliit at walang tinig sa lipunan.” Ito ang binitawang pahayag ni Gobernador Daniel R. Fernando sa ginanap na Joint Forum with Selected Legislators and Executives of the Provincial Government of […]