Active COVID-19 cases sa bansa, maaaring pumalo sa 525,000
- Published on August 7, 2021
- by @peoplesbalita
SINABI ng Malakanyang na maaaring pumalo sa 525,000 ang active COVID-19 cases sa bansa sa katapusan ng Setyembre kung hindi inilagay sa ilalim ng Enhanced Community Quarantine (ECQ) ang National Capital Region (NCR) mula Agosto 6 hanggang 20.
Ang babala ni Presidential Spokesperson Harry Roque ay matapos na ilagay sa ilalim ng ECQ, strictest quarantine classification ang Kalakhang Maynila, sa pangatlong pagkakataon simula noong Marso 2020.
“The projections we have is that we will have active 525,000 COVID-19 cases by end of September if we keep our current quarantine classifications. We cannot let that happen because we do not have enough hospitals,” ayon kay Sec. Roque.
“Kaya po tayo magla-lockdown para hindi mamatay ang ating mga kababayan. Mahirap, magastos, pero ito po ay kinakailangan para maprotektahan ang ating mga kababayan,” dagdag na pahayag ni Sec. Roque.
Idineklara ang ECQ sa NCR sa gitna ng banta ng mas nakahahawang Delta coronavirus variant.
Ayon sa mga eksperto, ang variant na unang na-detect sa India, ay maaaring makahawa ng lima hanggang walong katao “in one setting.”
Sa ilalim ng ECQ, tanging ang mga essential trips at services lamang ang pinapayagan.
Nauna rito, sinabi ni Interior Secretary Eduardo Año na ang nalalapit na ECQ ay mas mahigpit. (Daris Jose)
-
Para makabyahe ang motorcycle taxis, permiso ng mga mambabatas kailangan munang makuha
KAILANGAN muna ng mga motorcycle taxis ng permiso mula sa mga mambabatas bago pa makabalik sa lansangan. Ito’y dahil sa patuloy na umiiral na ‘limit modes’ ng public transport dahil sa coronavirus pandemic. Ang inter-agency task force na nangunguna sa pagtugon sa pandemiya “has done what it could do” nang iendorso sa House […]
-
Base sa pahayag ng isang Infectious Disease expert: COVID 19, nagiging endemic na
SINABI ni Infectious Disease Expert Dr. Edsel Salvana na nagiging endemic na ang COVID 19 at ang sirkulasyon nito ay maihahalintulad sa sipon na hindi na tuluyang mawawala pa. Inamin ni Salvana sa Laging Handa public briefing na hindi na sila masyadong nakatutok pa sa bilang ng mga naitatalang kaso ng covid 19 […]
-
SINING AT KULTURANG PILIPINO SA QUEZON CITY, BUHAY AT AKTIBO
IDINAOS kamakailan sa lungsod Quezon ang isang tagisan ng galing sa balagtasan na may temang Diwang, Sagisag Kultura ng Filipinas sa pangunguna ng National Commission on Culture and the Arts (NCCA), NCCA-Philippine Cultural Education Program katuwang ang QC Education Affairs Unit. Sa kanyang talumpati, hinikayat ni Mayor Joy Belmonte ang sama-samang pagbibigay-buhay at pagkilala sa […]