Chinese coach gagawing consultant ni Diaz
- Published on August 12, 2021
- by @peoplesbalita
Kung hindi makukumbinsi ni Olympic Games gold medalist Hidilyn Diaz si Gao Kaiwen na bumalik bilang head coach ay kukunin na lamang niya ang Chinese bilang consultant.
Sinabi ni Diaz kahapon sa Philippine Sportswriters Association (PSA) Forum webcast na planado na ang lahat sakaling piliin ng 64-anyos na si Gao ang kanyang pamilya sa China.
Kung mangyayari ito ay si strength and conditioning coach Julius Naranjo, ang boyfriend ni Diaz, ang papalit kay Gao bilang head coach.
“Nag-usap na kami ng Team HD,” ani Diaz. “Si Coach Gao baka gagawin naming consultant tapos si coach Julius ang head coach tapos hahanap kami ng assistant coach na tutulong sa amin pagdating sa laro,”
Si Gao ang tumulong sa 30-anyos na tubong Zamboanga City para makamit ang kauna-unahang Olympic gold ng Pinas nang magwagi sa women’s 55-kilograms division ng Tokyo Games weightlifting competition.
Iginiya ni Gao si Diaz sa gold medal finish noong 2018 Asian Games sa Jakarta, Indonesia at noong 2019 Philippine Southeast Asian Games.
Sa pagbabalik sa bansa ng Team HD noong Hulyo 28 ay sinabi ni Gao kina Diaz at Naranjo na gusto na niyang umuwi sa kanyang pamilya sa China.
“Naiintindihan ko siya kasi matagal-tagal na siyang hindi nakakauwi sa kanila,” wika ni Diaz.
Magtatapos ang kontrata ni Gao sa Philippine Sports Commission (PSC) sa Disyembre, ngunit hiniling na niyang tapusin ito ngayong buwan at hindi na sisingilin ang monthly salary na $2,500.
-
Japanese tennis star Osaka, ipinakita ang suporta sa racial discrimination
Ipinakita ni Japanese tennis star Naomi Osaka ang kaniyang suporta sa mga lumalaban sa social injustice. Sa pagsisimula ng laro sa US Open sa New York, nagsuot ito ng face mask na mayroong pangalan na Breonna Taylor, ang black woman na pinagbabaril hanggang mapatay ng mga kapulisan. Isa lamang aniya ito sa pitong […]
-
DECEMBER 22 OPENING NG NBA, LUMABO; PLAYERS ‘DI PUMAYAG
BILANG tugon sa proposed NBA 72-game schedule na target ng liga para sa 2020-21 regular season, kasama na rito ang pagsisimula sa Dec. 22, isiniwalat ni National Basketball Players Association (NBPA) executive director Michele Roberts na karamihan sa manlalaro ay kumontra sa plano. Ayon kay Roberts, nire-review nila nang husto ang pro- posal at […]
-
Racasa, aarangkada na ngayong taon
NAIBULALAS ni Antonella Berthe Racasa ang saya nang pormal na tanggapin ang Antonio Siddayao trophy sa kadaraos na SMC-PSA (Philippine Sportswriters Association) Annual Awards Night sa Centennial Hall ng Manila Hotel. Kaya determinado ang 12-taong-gulang na Pinay woodpusher na mas pag-igihan pa ang kanyang kampanya sa mga lalahukang torneo ngayong 2020 upang bigyan ng […]