LJ, kinumpirma na hiwalay na sila ni Paolo at sobrang hirap ang pinagdaanan

NAGSASALITA na nga si LJ Reyes ngayon at kinumpirma na rin ang hiwalayan sa partner at ama ng ikalawang anak niya na si Paolo Contis.

‘Yun nga lang, bakit sa YouTube channel ni Boy Abunda ito nagpaunlak ng unang interview at hindi sa GMA-7 kunsaan ay naka-kontrata siya?

Naisip tuloy namin, hindi ba ito parang sampal naman sa network?

Anyway, so ‘yun na nga, kumpirmado ng hiwalay na sila at ayon kay LJ, very difficult daw at kung wala lang daw siguro siyang faith sa Itaas, hindi raw niya alam kung saan siya pupulutin.

Nag-unfollow na rin si LJ sa ama ng anak niya na si Summer sa kanyang Instagram account. Nag-delete na rin siya ng mga pictures nila.

Sa totoo lang, matagal na namin napapansin na may something sa kanilang dalawa. Napansin na namin na hindi na sila halos nagpo-post ng picture na magkasama. Hindi na rin madalas mag-comment sa isa’t-isa, eh, dati halos lahat ng post nila, sila rin ang kauna-unahang nagko-comment.

Na-confuse lang kami na okay pa pala sila dahil sa mga past interviews namin kay LJ kamakailan lang, super puri pa ito kay Paolo at parang ang perfect ng samahan nila.

So, ano kaya ‘yun, etchos na lang?

***

HABANG nasa quarantine, ipinakilala na ng GMA-7 ang actor/director na si Xian Lim bilang leading man ni Jennylyn Mercado sa bagong primetime series ng network, ang Love. Die. Repeat.

Sa ngayon, malinaw na for the said series lang talaga kaya nasa GMA si Xian.  Binigyang-diin din niya na he’s under VIVA in-terms of management. Pero walang apprehension si Xi kung magiging full-time Kapuso siya in-terms of network.

Nabanggit din ang recent post ng girlfriend na si Kim Chiu at mga comments ng fans nito na tila hindi satisfied sa nakikita lang daw na exposure sa It’s Showtime.

Kaya natanong si Xian kung gusto rin niyang makasama si Kim sa Kapuso network.

     “When it comes po sa decision ni Kim, ang masasabi ko lang po diyan, we’re very supportive sa kahit anong decision na gawin namin mapa-working with other actors or working with different projects.

“Hindi po kami nakikialam sa isa’t-isa na huwag mong gawin ‘to. But going back sa pinagdadaanan niya, I don’t think I’m in the position to say kung ano man ang pinagdadaanan niya.

“But definitely, kung meron man siyang pinagdadaaanan, napag-uusapan po namin ang mga gano’ng bagay.

Sey pa niya, “As a a couple, it’s something we have, pinag-uusapan namin ang mga hinanakit namin and it’s part of being in a relationship.”

***

ANG Kapuso actress na si Myrtle Sarrosa ang pinalad na pumalit sa naiwang role ni Kim Domingo.

     Nag-open na nga si Kim sa pinagdaanan kunsaan, kahit na fully vaccinated na siya ay nag-positibo pa rin siya sa COVID-19.  Nagkataon naman na schedule na for quarantine ang cast, lalo na ang mga lead cast ng bagong serye ng GMA-7, ang Love. Die. Repeat. na pagtatambalan nina Jennylyn Mercado at Xian Lim.

Ang alam namin, naka-quarantine na ang cast ngayon sa hotel at kapag negative naman ang magiging RT PCR Swab test nila, diretso na sila sa magiging location ng lock-in taping.

Masayang-masaya raw si Myrtle na maging second choice sa bagong opportunity na ibinigay sa kanya ng Kapuso network. Kasi nga naman, kasalukuyan pa lang din umeere ang afternoon series niyang Nagbabagang Luha, though of course, matagal na silang tapos sa lock-in taping.

Si Myrtle talaga ang isa sa mga dating Kapamilya na ang perfect ng timing ng pagkakalipat. Bago pa pina-stop ang operation ng ABS-CBN nang magdesisyon itong lumipat at makita naman kung anong mga opportunity ang naghihintay sa kanya sa GMA.

(ROSE GARCIA)