PDu30, inatake ang Senado sa ginagawa nitong imbestigasyon ukol sa multibilyong pisong halaga ng COVID-19 pandemic na binili ng Pilipinas
- Published on September 10, 2021
- by @peoplesbalita
MULING inatake ni Pangulong Rodrigo Roa Duterte ang Senate blue ribbon committee sa gitna ng isinasagawa nitong imbestigasyon hinggil sa multibilyong pisong halaga ng COVID-19 pandemic na binili ng Pilipinas.
Sa kanyang Talk to the People, araw ng Miyerkules, muling kinastigo ni Pangulong Duterte si Senator Richard Gordon, chairman ng nasabing komite at tinawag pa niya itong “adversarial.”
“You cannot tell the truth in the Senate. Gordon is adversarial. Tingin sa ‘yo, kalaban ka,” ayon kay Pangulong Duterte.
Aniya, kapuwa umaakto si Gordon bilang judge at prosecutor.
“Anong totoo ang lalabas diyan,” ani Pangulong Duterte.
Para sa Punong Ehekutibo, ang Senate inquiry ay isang uri ng pamumulitika.
“Did you see a good law that was able to help the country? What they are doing is politicking,” anito.
“We have done so much that the fight cannot be done based on merit,” ayon sa Chief Executive.
Kahapon ay nag-isyu na ang Senado ng warrant of arrest laban kina dating presidential economic adviser Michael Yang at limang opisyal ng Pharmally Pharmaceutical Corporation.
Kinumpirma ito ni Senate President Vicente Sotto III at ipinakita pa sa mga Senate reporter ang kopya ng nilagdaan nitong warrant of arrest laban kina Yang at limang opisyal ng Pharmally.
Ang Pharmally ang nakakuha ng P8.6 bilyong kontrata sa gobyerno para sa suplay ng personal protective equipment (PPE), face mask at face shield noong 20220.
Bukod kay yang ang mga sumusunod ng opisyal ng Pharmally Pharmaceutical Corporation executives na inisyuhan ng arrest warrant ay sina: Mohit Dargani, Twinkle Dargani, Linconn Ong, Krizle Grace Mago at Justine Garado.
Una rito, na-cited for contempt gn Senate blue ribbon committee sina Yang at limang opisyal ng Pharmally at inirekomendang isyuhan ng arrest warrant dahil sa pagtangging humarap sa pagdinig ng Senado sa pagbili ng gobyerno sa diumano’y overpriced na COVID-19 equipment. (Daris Jose)
-
Japan, nag-alok na ng tulong sa Pilipinas
NAG-ALOK na ng tulong ang Japan sa Pilipinas sa gitna ng pagsisikap ng pamahalaan na makita at mailigtas na ang mga posibleng naiipit na biktima ng 7.0 magnitude earthquake kamakalawa. Ito ang inihayag ni Office of the Civil Defense Assistant Secretary Rafaelito Alejandro sa naging pag-uulat nito sa ginawang situation briefing kay Pangulong […]
-
Thirdy balik Gilas Pilipinas
Muling pumasok sa Inspire Sports Academy sa Calamba, Laguna ang Gilas Pilipinas para paghandaan ang FIBA Asia Cup na idaraos sa susunod na buwan sa Jakarta, May 19 players ang nasa Calambubble kasama si Thirdy Ravena ng San-En NeoPhoenix. Nagbalik si Ravena sa pool matapos ang kanyang huling laro suot ang […]
-
BIR NAGBABALA SA MGA ONLINE SELLERS
Mahigpit na ngayong inatasan ng Bureau of Internal Revenue (BIR) ang mga online seller at mga kahalintulad na negosyo na gumagamit ng digital o electronic platform na iparehistro ang kanilang negosyo. Ito ang naging lamang sa inilabas na Revenue Memorandum Circular 60-2020 kung saan para matiyak na sumasang-ayon ang kanilang negosyo sa probisyon na […]