JERIC, aminadong malaking pressure na mapiling bida sa movie ni Direk LOUIE kaya dapat lang na galingan

NANINIWALA si Engr. Benjamin Austria, the man behind BenTria Productions, na panahon na para ilunsad si Jeric Gonzales in a solo movie kaya ito ang napili niyang magbida sa Broken Blooms.

Naniniwala ang newbie producer sa kakayahan ni Jeric bilang isang actor kaya first choice ang binata to play the lead in Broken Blooms, written by Ralston Jover and to be directed by Louie Ignacio.

Nakita raw niya na may potential si Jeric as an actor at agree siya sa decision ni Direk Louie na sa binata ipagkatiwala ang role.

Pangarap ni Engr. Austria na makapag-produce ng pelikula at nagustuhan niya ang script written by Ralston Jover kaya ito ang napili niya para maging maiden offering ng kanyang production outfit.

Ayon naman kay Jeric, may pressure siyang nadarama dahil mga award-winning actors ang kasama niya sa Broken Blooms. Pero gusto raw niyang gamitin na motivation ang pressure na ito para pagbutihan ang kanyang acting sa movie, lalo na’t biggest break niya ito as an actor.

Willing siya gawin kahit na anong eksena ang ipagawa sa kanya basta sa ikakaganda ng pelikula. May tiwala naman siya kay Direk Louie na gagabayan siya nito to come up with a good performance.

As an added pressure for Jeric, lahat ng artistang nakakatrabaho ni Direk Louie ay nanalo ng award sa festivals abroad. Siyempre dream ni Jeric na maging award-winning actor din.

Sabi nga ni Direk Louie, “Panahon mo na, Jeric. Para sa ‘yo ito. Galingan mo.”

***

COMEBACK movie ni Teri Malvar ang Broken Blooms.

Siya ang gaganap na na asawa ni Jeric Gonzales sa pelikula na ididirek ni Louie Ignacio.

First time ni Teri na gaganap na isang young wife. Pero ka-age siya ng karakter na ginagampanan niya.

“Very adult ang role ko kaya medyo naninibago pa ako. Kaya need namin na mag-bonding ni Jeric para maging maayos ang mga scenes namin together,” pahayag ni Teri.

Suwerte si Teri sa mga movies niya under Direk Louie. Nanalo siya ng awards for School Service. Kaya naman excited siya to work with Direk Louie sa kanilang reunion project.

(RICKY CALDERON)